Zialenski: Rasija płanuje dźvie ciažkija nastupalnyja kampanii, try papiarednija — pravalilisia
U toj ža čas ukrainskaje vojska, pa słovach Zialenskaha, nieabchodna padtrymlivać uzbrajeńniem i finansavaj padtrymkaj.
Uładzimir Zialenski raskazaŭ, što Ukraina spyniła try nastupalnyja kampanii RF, adnak jana płanuje jašče dźvie.Pra heta jon zajaviŭ u intervju SkyNews, piša «Ukrainskaja praŭda».
«Sapraŭdy troški źmianiajecca nastroj u Jeŭropie, u ZŠA. U cełym ja rady, sapraŭdy rady, što ŭsie prasoŭvańni RF, usie ich nastupalnyja misii, a ich było ŭžo try, i napieradzie jany jašče płanujuć dźvie ciažkija nastupalnyja kampanii. Try apošnija ich misii pravalilisia. I, na moj pohlad, heta vielmi važny sihnał.
Pa-pieršaje: toje, pra što ja havaryŭ jeŭrapiejcam i ŭ Biełym domie, što rasijanam nie ŭdasca ŭziać naš Uschod i što toje, što jany vam raspaviadajuć, što jany mohuć akupavać horad Sumy — usio heta jość chłuśnia i manipulacyi, i my ŭsio heta zmožam dakazać. I tak jano i stałasia: try kampanii rasijanie prajhrali», — skazaŭ prezident Ukrainy.
Jon dadaŭ, što ŭ rasijan vialikaja kolkaść achviar i vialikaja kolkaść zhublenaj techniki, i jany ciapier vielmi napružanyja.
U toj ža čas ukrainskaje vojska, pa słovach Zialenskaha, nieabchodna padtrymlivać uzbrajeńniem i finansavaj padtrymkaj, jakaja idzie na vytvorčaść zbroi, i tady Ukraina vytrymaje jašče dźvie nastupalnyja kampanii RF.
Ciapier čytajuć
Na svoj dzień naradžeńnia Zialenski z Naŭrockim, Naŭsiedam i Cichanoŭskaj u Vilni ŭšanuje pamiać Kastusia Kalinoŭskaha5
Kamientary