17-hadovaja biełaruska, zatrymanaja za zapusk drona ŭ Varšavie, pryjechała ŭ Polšču ŭsiaho niekalki dzion tamu
17-hadovaja biełaruska i 21-hadovy ŭkrainiec, jakija ŭviečary 15 vieraśnia zapuskali dron u centry Varšavy, znachodziacca ŭ krainie lehalna. Małady čałaviek žyvie ŭ hetaj krainie ŭžo 8 hadoŭ, a dziaŭčyna pryjechała ŭsiaho niekalki dzion tamu, paviedamlaje Most.
Biełarusku i ŭkrainca zatrymali ŭviečary 15 vieraśnia ŭ varšaŭskim parku Łazienki. Dron jany zapuskali nad uradavymi budynkami i adnoj z rezidencyj prezidenta — pałacam Bielvieder. Supracoŭniki słužby biaśpieki z dapamohaj śpiecabstalavańnia prymusili aparat viarnucca ŭ avaryjnym režymie da apierataraŭ.
Śledstva pakul viadziecca pa artykule ab parušeńni avijacyjnaha zakanadaŭstva — vykanańni palotaŭ u zabaronienaj zonie. Za heta pahražaje da piaci hadoŭ pazbaŭleńnia voli.
Ale Ahienctva ŭnutranaj biaśpieki (ABW) praviaraje taksama, ci mahli maładyja ludzi dziejničać pa zadańni niejkaj zamiežnaj dziaržavy. Kali tak — abodvum mohuć być pradjaŭlenyja abvinavačvańni ŭ špijanažy.
Ciapier praviarajuć telefony zatrymanych i šukajuć ślady mahčymych kantaktaŭ z zakazčykam. Adnak śledstva nie vyklučaje, što heta zvyčajnyja turysty.
U hetym vypadku abvinavačvańni mohuć vystavić tolki ŭkraincu, jaki kiravaŭ dronam. Biełaruska, jakaja supravadžała jaho, chutčej za ŭsio, budzie prachodzić pa spravie tolki ŭ jakaści śviedki.
«Na hetym etapie my dalokija ad śćviardžeńniaŭ, što tut mieŭ miesca akt dyviersii abo špijanažu. Supracoŭniki ABW trymajuć ruku na pulsie», — skazaŭ pres-sakratar ministra — kaardynatara śpiecsłužbaŭ Jacak Dabžyński ŭ hutarcy z RMF FM.
Jon nie vyklučyŭ, što maładyja ludzi prosta chacieli źniać videa na pamiać.
«Heta maładyja ludzi. Mahčyma, heta adbyłosia praź ich bieskłapotnaść abo niaviedańnie, — dadaŭ jon.
Pres-sakratar akruhovaj prakuratury Varšavy prakuror Piotr Antonij Skiba paviedamiŭ, ciapier analizujucca dokazy. Prakuratura čakaje pieradačy materyjałaŭ u sieradu, 17 vieraśnia.
«Na hetym etapie materyjały i abstaviny zdareńnia śviedčać pra parušeńnie normaŭ avijacyjnaha prava, a nie pra špijanaž», — dadaŭ jon.
Tym nie mienš, pakul para zastajecca pad vartaj.
U Polščy ź mierkavańniaŭ biaśpieki paloty dronaŭ nad uradavymi budynkami i inšymi abjektami krytyčnaj infrastruktury zabaronienyja. Na takich abjektach ustanoŭlenyja adpaviednyja tablički. Kožny apieratar drona, jaki maje licenziju, u śpiecyjalnym dadatku moža pravieryć, dzie dazvolena, a dzie zabaroniena lotać. Kožny palot nieabchodna zarehistravać praz mabilny dadatak DroneTower — aficyjnuju prahramu Polskaha ahienctva pavietrapłavańnia.
Polšča aficyjna paviedamiła ŭ Minsk pra zatrymańnie ŭ Varšavie hramadzianki Biełarusi
Łukašenka: Biełaruś nie maje dačynieńnia da dronaŭ, što zalatajuć u Polšču abo Litvu
Ukrainiec i 17-hadovaja biełaruska. Palicyja Varšavy ŭdakładniła infarmacyju pra zatrymanych z dronam
U Varšavie niejtralizavali dron nad uradavymi budynkami
Prezident Polščy dazvoliŭ uvieści ŭ krainu vojski NATA
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku4
Kamientary
Kaby była miło...