Sud nie zadavoliŭ pazoŭ eks-milicyjanta Vusika da ministra Šunieviča
Sud Centralnaha rajonu Miensku adchiliŭ pazoŭ byłoha supracoŭnika Kryčaŭskaha RAUS da Ministerstva ŭnutranych spraŭ ab adnaŭleńni na pracy i kampensacyi maralnaj škody. Ihar Vusik nazvaŭ rašeńnie sudździ Alaksandra Dłužnieŭskaha niespraviadlivym i zajaviŭ, što budzie abskardžvać jaho ŭ Mienskim abłasnym sudzie.
27 červienia ŭ Centralnym sudzie Miensku pačaŭsia razhlad pazovu zvolnienaha z kryčaŭskaj milicyi padpałkoŭnika Ihara Vusika da ministra ŭnutranych spraŭ Ihara Šunieviča. Ciapier užo padpałkoŭnik u zapasie Ihar Vusik padaŭ pazoŭ z patrabavańniem adnavić jaho na pracy, admianić spahnańnie, vypłacić zarobak, jaki jon straciŭ z pryčyny vymušanych prahułaŭ, i kampensavać maralnuju škodu.
Akramia ministra Šunieviča, siarod pazvanych načalnik Kryčaŭskaha RAUS Stanisłaŭ Čupryn. Jon prysutničaŭ na sudovym razbory, a voś ministar Ihar Šunievič u sud sam nie źjaviŭsia, a nakiravaŭ zamiest siabie dvuch pradstaŭnikoŭ: namieśnika načalnika Mahiloŭskaha ŭpraŭleńnia milicyi pa kadrach i idealohii Rusłana Ciaślenku i namieśnika načalnika ŭpraŭleńnia ŭłasnaj biaśpieki MUS pa Mahiloŭskaj vobłaści Vitala Sazonava.
«Prosta ciarpieńnie łopnuła». Kryčaŭski milicyjant, jaki napisaŭ list Šunieviču
Šunievič prakamientavaŭ kanflikt u Kryčaŭskim RAUS: Vinavatyja abodva baki
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach6
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary