Adrasnaje subsidavańnie ŭ žyllovym budaŭnictvie ŭvodzicca ŭ Biełarusi. Heta praduhledžana ŭkazam №240 «Ab dziaržaŭnaj padtrymcy hramadzian pry budaŭnictvie (rekanstrukcyi) žyłych pamiaškańniaŭ», jaki Alaksandr Łukašenka padpisaŭ 4 lipienia, paviedamili ŭ pres-słužbie biełaruskaha lidara.
«U dadatak da dziejnaj sistemy lhotnaha kredytavańnia žyllovaha budaŭnictva ŭvodzicca novy vid dziaržaŭnaj padtrymki hramadzian, jakija majuć patrebu ŭ palapšeńni žyllovych umoŭ, — dziaržaŭnyja adrasnyja subsidyi», — adznačyli ŭ pres-słužbie.
Dziaržaŭnyja subsidyi buduć pradastaŭlacca na vypłatu častki pracentaŭ za karystańnie kredytam na budaŭnictva žylla, atrymanych hramadzianami ŭ lubym kamiercyjnym banku, a šmatdzietnym i maładym siemjam i dzieciam-sirotam — taksama na pahašeńnie častki asnoŭnaha doŭhu pa takich kredytach.
Atrymalnikami subsidyj buduć źjaŭlacca ŭsie hramadzianie, jakija majuć prava na atrymańnie dziaržaŭnaj padtrymki ŭ adpaviednaści z ukazam ad 6 studzienia 2012 hoda №13.
Dadatkova ŭkazam praduhledžanaje prava na atrymańnie adrasnych subsidyj vieteranami bajavych dziejańniaŭ na terytoryi inšych dziaržaŭ.
Pry hetym dziaržaŭnaja padtrymka ŭ vyhladzie lhotnych kredytaŭ i subsidyj budzie dziejničać paralelna, z zachavańniem pryncypu adnarazovaści jaje atrymańnia.
Miechanizm pradastaŭleńnia dziaržaŭnych subsidyj raspracavany z ulikam maksimalnaha zachavańnia pryncypaŭ dziejnaj sistemy dziaržaŭnaj padtrymki žyllovaha budaŭnictva: suma dziaržaŭnaj padtrymki budzie raźličvacca zychodziačy z kolkaści členaŭ siamji, narmavanych pamieraŭ žyłoha pamiaškańnia i hraničnaha narmatyvu koštu budaŭnictva; umovami pradastaŭleńnia takoj dziaržaŭnaj padtrymki buduć čarhovaść atrymańnia i adniasieńnie hramadzian da katehoryi małazabiaśpiečanych.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia9
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary