Ameryka bačyć perspektyvu

U piatnicu ŭ pasolstvie ZŠA adbyłasia dźviuchhadzinnaja sustreča pamočnika dziaržaŭnaha sakratara ZŠA Devida Merkiela z pradstaŭnikami apazycyi. Na sustrečy prysutničali lidery ADS Anatol Labiedźka, Vincuk Viačorka, Siarhiej Kalakin, były palitviazień Alaksandar Kazulin, namieśnik staršyni Ruchu «Za svaboda» Viktar Karniajenka, staršynia BAŽ Žanna Litvina, pravaaboranca Aleś Bialacki i inšyja.

Devida Merkiel raptoŭna prylacieŭ u Miensk učora paśla abiedu. Vizyt staŭ mahčymy paśla vyzvaleńnia z turmaŭ krainy ŭsich palitviaźniaŭ. «Heta adkryvaje realnuju mahčymaść dla značnaha palapšeńnia adnosinaŭ pamiž ZŠA i Biełaruśsiu», — havaryłasia ŭ zajavie pres‑sakratara Dziarždepu Roberta Vuda.

Adrazu pa pryjeździe Devid Merkieł mieŭ sustreču ź ministra zamiežnych spraŭ Siarhiejem Martynavym. Jak paviedamlajuć aficyjnyja krynicy, na sustrečy byŭ detalova razhledžany ŭvieś spektar biełaruska‑amerykanskich adnosin. Subiasiedniki abmierkavali taksama šlachi palapšeńnia hetych adnosin.

Viktar Karniajenka kaža, što hałoŭnymi pytańniami sustrečy ŭ piatnicu byli temy palitviaźniaŭ i budučych parlamenckich vybaraŭ. «Kali ŭ pieršym pytańni i my, i dyplamaty bačym kankretnyja zruchi, to adnosna vybaraŭ zastajecca jašče šmat niajasnaści. My raskazali pra ceły šerah parušeńniaŭ i ŭcisku na aktyvistaŭ, što papiaredničajuć vybarčaj kampanii. U pryvatnaści było paviedamlena pra minimalny pracent apazycyi va ŭčastkovych vybarčych kamisijach», — kaža V.Karniajenka.

Na sustrečy ź biełaruskaj apazycyjaj Merkieł paviedamiŭ, što

jahony vizyt adbyŭsia paśla asabistaha rasparadžeńnia dziaržsakratara ZŠA Kandalizy Rajz, i jaho možna aceńvać, jak hatoŭnaść ZŠA da raźvićcia dalejšaha dyjalohu.

Lider AHP Anatol Labiedźka razhladaje sustreču sa sp.Merkielem jak vysokaha ŭzroŭniu, tak i dosyć źmiastoŭnuju. «Pradstaŭnik Biełaha Domu zaznačyŭ, što

pytańnie pryznańnia lehitymnaści vybaraŭ nie zaležyć ad udziełu, ci niaŭdziełu apazycyi

Što ž atrymajuć ułady, kali parlamenckija vybary projduć pa adnosna demakratyčnym scenary? «Havorycca pra stratehiju roŭnaści i adekvatnaści krokaŭ. U vypadku demakratyčnych vybaraŭ, dumaju, Ameryka budzie hatovaja da skasavańnia ekanamičnych ci palityčnych sankcyj suprać Biełarusi, ale kankretna pra heta havorka pakul nie viałasia», — zaznačaje staršynia AHP.

«Dumaju, što metaj hetaha vizytu było demanstravańnie taho, što Ameryka bačyć perspektyvy ŭ raźvićci adnosinaŭ ź Biełaruśsiu», — kaža V.Karniajenka.

Nie źmianiłasia pazycyja ZŠA i adnosna taho, što mahčymyja

pieramovy pavinny być trochbakovymi

Siońnia Devid Merkieł praviadzie jašče šerah sustrečaŭ u Administracyi prezydenta i Centravybarkamie. Paśla čaho jon nakirujecca ŭ Vašynhton.

Vizyt Devida Merkieła pakul nie daje kankretnych adkazaŭ na asnoŭnyja biełaruska‑amerykanskija prablemy, jak sankcyi suprać «Biełnaftachimu», viartańnie dyplamataŭ ci admiena zabarony biełaruskim čynoŭnikam ujaždžać na terytoryju ZŠA. Tamu misija Merkieła vyhladaje bolš padobnaj na probny šar. Sproba hlanuć da jakoj stupieni hatovaja demakratyzavacca ŭłada. Nastupny ispyt — parlamenckija vybary.

• 0
• 0
• 0
• 0
• 0
• 0
• 0
• 0