Administracyja Donalda Trampa padtrymlivaje novyja sankcyi suprać Rasii i Irana, adnak zakonaprajekt, jaki razhladajecca ŭ ciapierašni čas kanhresam, na hety kont niedapuščalna abmiažoŭvaje paŭnamoctvy prezidenta ZŠA, zajaviŭ žurnalistam dyrektar pa zakanadaŭčych pytańniach Biełaha doma Mark Šort.
«My zaniepakojenyja tym, što zakonaprajekt, jak my ličym, stvaraje precedent delehavańnia zamiežnaj palityki 535 členam kanhresa, vykreślivajučy niekatoryja vyklučeńni na asnovie nacyjanalnaj biaśpieki (national security waiver, daje prava prezidentu ŭnosić papraŭki ŭ režym sankcyj zychodziačy z ułasnaha razumieńnia nacyjanalnych intaresaŭ), jakija zaŭsiody byli častkaj sankcyjnych ukazaŭ ŭ minułym», - pryvodzić słovy Šorta The Washington Post.
Zakonaprajekt, jaki znachodzicca ŭ ciapierašni čas na razhladzie ŭ kanhresie ZŠA, abmiažoŭvaje kiraŭnika dziaržavy ŭ vyrašeńni pytańnia źmiakčeńnia abo admieny sankcyj suprać Maskvy i Tehierana. U vypadku, kali jon prymie rašeńnie źmiakčyć abo admianić sankcyi, spatrebicca hałasavańnie kanhresa.
Ciapier čytajuć
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć14
Kamientary