Ja chaču sustreć ruskaha čałavieka. Nie luboha, a takoha. I nie prosta, a tak. Kab u jaho byŭ pryjazny vyhlad, i kab u mianie byŭ nastroj i ja abaviazkova zachacieŭ by jaho raspytać. Što jon dumaje, jak jon žyvie, čym dychaje. Ja by sieŭ nasuprać i spytaŭ:
— Nu, tak, u nas tut — čuli? — vyšyvanki, miakkaja biełarusizacyja. Što dumajecie na hety kont?
A čałaviek hladzieŭ by mnie ŭ vočy i maŭčaŭ. A ja b nie supakojvaŭsia.
— A voś u nas biełaruskaja mova. Vajujem suprać biełarusafobaŭ. Za Słučaka i suprać astatnich. Jak ličycie: pryciaśniajem my ruskamoŭnuju bolšaść?
A čałaviek nachiliŭ by hałavu ŭleva i ciažka ŭzdychnuŭ.
A ja b skazaŭ:
— Voś u nas Hanna Bond pryciaśnima «małakom». A Filip Čmyr nie moža atrymać na rodnaj ruskaj movie važnuju papierku ŭ vystavačnym paviljonie. Jak vam? Vas heta nie abražaje?
A čałaviek by skazaŭ: «Hm», — i pacier by pieranośsie.
A ja b praciahnuŭ.
— A va Ukrainie? Jak vy ličycie? Krym — vaš? A raśpiataha chłopčyka škada? A kijeŭskuju chuntu nienavidzicie? Status ruskaj movy? Fiederalizacyja? Status Danbasa? A?
A čałaviek pahladzieŭ by na hadzińnik, a paśla pavierch mianie. I ŭśmichnuŭsia.
A ja b uskočyŭ i pačaŭ by chadzić siudy-tudy. Siudy-tudy. A paśla rezka spyniŭsia i nachiliŭsia b da jaho i pahladzieŭ by jamu ŭ tvar. A paśla šeptam vypaliŭ:
— A Siryja? Siryja?! Tam ža pindosy! Pindosaŭ treba vybić? Dapamahčy svaim? Što dumajecie? Ruski mir, biełarusizacyja, banderaŭcy, braterskija narody, słavianskaje adzinstva, SSSR, Stalin, skrepy, pindaśnia, žydy, palaki, Estonija! Nu skažycie, što vy dumajecie.
I tut čałaviek, nie prybirajučy ŭśmieški z tvaru, pakłaŭ by mnie ruku na plačo i, niamocna ścisnuŭšy jaho, skazaŭ by:
— Mołodoj čiełoviek, mnie kak-to nastolko poch*j, čto vy siebie dažie nie priedstavlajetie. U nas v Rośsii stolko dieł. Ot Smolenska do Anadyria. A vy — «Sirija»… Ja nie dumaju pro Siriju i pro miahkuju biełarusizaciju. Ja, stydno skazať, dumaju, kak by sdiełať, čtoby «Bojaryšnik» zaprietili. Pro «Bojaryšnik» bolšie dumaju. Iźvinitie, jeśli čto.
I mnie b stała soramna, i ja b zapłakaŭ i abniaŭ by hetaha cudoŭnaha ruskaha čałavieka.
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary