Premjer-ministr Vienhryi Viktar Orban, vystupajučy ŭ subotu ŭ rumynskim horadzie Beile Tušnad, zajaviŭ, što «impieryja Sorasa» padryvaje intaresy vienhraŭ i padviarhaje niebiaśpiecy nie tolki Vienhryju, ale i Jeŭropu ŭ cełym. Pra heta paviedamiła ahienctva Agerpres.
Pa słovach Orbana, «isnuje płan Sorasa», jaki praduhledžvaje pryciahnieńnie ŭ Jeŭropu miljona imihrantaŭ z musulmanskaha śvietu i ich raźmierkavańnie pamiž krainami ES.
«My možam pieraškodzić hetamu pracesu, tolki kali Jeŭrasajuz znoŭ zdabudzie suvierenitet, a kožnaja dziaržava-ŭdzielnik — zdolnaść abaraniać ułasnyja miežy, — zajaviŭ jon. — Tady my zmožam pakłaści kaniec mihracyjny fienomienu i vypravadzić usich tych, chto zajechaŭ niezakonna. Moža być, heta hučyć žorstka, ale nie dumaju, što prablemu možna vyrašyć inakš».
Orban adznačyŭ, što ŭ Vienhryi isnuje mahutny supraciŭ mihracyjnym patokam, a taksama aściarohi, što musulmanie nie zmohuć intehravacca, pakolki majucca surjoznyja adroźnieńni, navat supiarečnaści pamiž jeŭrapiejskimi i musulmanskimi kaštoŭnaściami, mientalnaściu, vychavańniem i kulturaj.
Adkazvajučy na paproki ŭ tym, što Vienhryja nie «salidarnaja» ź inšymi krainami Jeŭrasajuza, palityk skazaŭ: «My nie možam być salidarnyja ź ludźmi, jakija staviać metu źmianić jeŭrapiejskuju kulturu i zamachvajucca na našu identyčnaść».
Ciapier čytajuć
Zakinutuju siadzibu Bahdanovičaŭ pierarobiać u bucikovy hatel FOTY7
Kamientary