Navukoŭcy znajšli hienietyčnyja dokazy isnavańnia hihanckich lebiedziaŭ, jakija žyli ŭ Novaj Ziełandyi i vymierli prykładna ŭ 1450 hodzie. Daśledavańnie było apublikavanaje ŭ časopisie Proceedings of the Royal Society B.
Vielizarnyja čornyja lebiedzi vymierli paśla taho, jak z Palinezii ŭ XIII stahodździ siudy prybyli ludzi. Navukoŭcy doŭha spračalisia, ci isnavała na samaj spravie Puuvie — hihanckaja padobnaja na lebiedzia ptuška. Pra jaje viadoma ź lehiend karennaha nasielnictva archipiełaha Čatem, raźmieščanaha za 650 km na ŭschod ad vyspaŭ Novaj Ziełandyi.
Daśledčyki z univiersiteta Ataha paraŭnali DNK 47 aŭstralijskich čornych lebiedziaŭ, jakija žyvuć siońnia, z DNK 39 zakamianiełych ptušak, jakija byli znojdzienyja na terytoryi Novaj Ziełandyi i bližejšych astravoŭ.
Analiz DNK pakazaŭ, što hienietyčna čorny aŭstralijski lebiedź adździaliŭsia ad hihanckaha surodziča kala adnaho-dvuch miljonaŭ hadoŭ tamu. Navukoŭcy vykazali zdahadku, što ŭ hety čas aŭstralijskija čornyja lebiedzi mihravali ŭ Novuju Ziełandyju, i ŭžo tut pieratvarylisia ŭ asobny vid, jaki navukoŭcy nazvali Poūwa.
Navaziełandskaja ptuška była na 20-30% ciažejšaj za sučasnych aŭstralijskich asobin — jaje masa mahła dasiahać dziesiaci kiłahram (masa sučasnych čornych lebiedziaŭ nie pieravyšaje dzieviaci kiłahram). Akramia taho, u dahistaryčnaha lebiedzia byli bolš doŭhija nohi, a kryły trochi karaciejšyja. Heta kaža pra toje, što jany latali tolki ŭ vypadku vostraj nieabchodnaści. Na vostravie nie było drapiežnikaŭ-sysunoŭ, tamu ich adzinymi vorahami mahli być arły, jak i ŭ vypadku z hihanckimi vymierłymi ptuškami moa.
Čytajcie taksama: Historyja ptušak moa vyšynioj 3,5 mietra, jakija byli źniščanyja 500 hadoŭ tamu, ale, mahčyma, jašče isnujuć
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny27
Kamientary