Znojdzieny sposab, jak pieranieścisia ŭ časy Vialikaha Kniastva Litoŭskaha FOTAREPARTAŽ
29 žniŭnia ŭ Nacyjanalnym histaryčnym muziei adbyłasia prezientacyja adnoŭlenych zamkaŭ VKŁ z dapamohaj technałohii virtualnaj realnaści. Pry padtrymcy Samsung i entuzijasta Achrema Biełabarovika minčukam pradstaŭleny aŭtarski prajekt VKL3D.
Prajekt VKL3D byŭ pačaty Achremam Biełabarovikam niekalki hadoŭ tamu. Rekanstrukcyju najbolš viadomych biełaruskich zamkaŭ — Kreŭskaha i Halšanskaha, možna pabačyć na śpiecyjalizavanym sajcie. I bačyć svaju miśsiju u zachavańni histaryčnaj pamiaci ŭ jaje faktyčnaj, kanceptualnaj i vizualnaj karektnaści. Hałoŭnaja meta prajekta — adradzić vielič i duch załatoj epochi našaj historyi praź jaje architekturu.
Praz akulary virtualnaj realnaści zamak vyhladaje prykładna tak. Naviedniki muzieja mohuć u 3D-prastory adčuć masštab lehiendarnych biełaruskich zamkaŭ.
Adnym z kansultantaŭ prajekta staŭ historyk, aŭtar «Našaj Nivy» Aleh Dziarnovič.
U pracy pa 3D-rekanstrukcyi za asnovu biarucca staryja vyjavy, archiŭnyja teksty, navukovyja publikacyi, dadzienyja raskopak — usiaho hetaha časta niedastatkova dla ŭznaŭleńnia poŭnaj karciny z usimi detalami.
Vychadam źjaŭlajecca abhruntavanaje vykarystańnie anałahaŭ, jakich bahata ŭ jeŭrapiejskaj architektury, pradyktavanaje zvyčajnaj łohikaj, i mastackim hustam dziela stvareńnia zavieršanaha vobrazu. Tamu, u pieršuju čarhu, hety mastacki prajekt lepš akreślivać, jak navukova-papularny.
Prajekt VKL3D budzie znachodzicca ŭ miežach pastajannaj ekspazicyi Nacyjanalnaha histaryčnaha muzieja, a tamu mahčymaść nahladna ŭjavić vielič epochi 15—17 stahodździaŭ zmohuć usie achvotnyja ŭ luby čas da kanca 2017 hoda.
Chto ź biełarusaŭ trapiŭ na pryjom da prezidenta Polščy ŠMAT FOTA10
Kamientary