U niamieckim Frankfurcie-na-Majnie abviaścili najbujniejšuju za ŭsiu paślavajennuju historyju Hiermanii evakuacyju z-za vyjaŭlenaj u horadzie 1500-kiłahramovaj brytanskaj avijabomby časoŭ Druhoj suśvietnaj vajny. Jaje znajšli padčas budaŭničych rabot va Univiersitecie Hiote, paviedamlaje Bi-bi-si.
Čakajecca, što ŭsiaho buduć evakuiravanyja kala 65 000 čałaviek, u tym liku piersanał i pacyjenty dvuch balnic. Bolš za 100 pacyjentaŭ užo pieraviedzienyja ŭ inšyja miedycynskija ŭstanovy, navat pacyjenty reanimacyi.
Taksama evakuacyja zakranie 20 damoŭ sastarełych, opierny teatr i budynak Centrabanka Hiermanii - Bundesbanka - u jakim zachoŭvajecca pałova załatoha zapasu krainy.
Sapiory płanujuć ažyćciavić kiravany padryŭ bojeprypasu, jaki, pa ich słovach, maje takuju mahutnaść, što moža źniščyć cełuju vulicu.
Žycharam zahadali pakinuć svaje damy ranicaj u niadzielu i nie viartacca da skančeńnia apieracyi.
Rajony evakuacyi buduć patrulavać palicejskija viertaloty ź ciepłavizarami dla vyjaŭleńnia ludziej, jakija ŭsio ž vyrašyli zastacca. Usich, kaho tam znojduć, palicyja paabiacała zatrymać.
Kab źvieści da minimumu niazručnaści dla nasielnictva, haradskija ŭłady arhanizavali niekalki punktaŭ, dzie evakuiravany žychary zmohuć pieračakać apieracyju.
Akramia taho, šmatlikija muziei paabiacali biaspłatna puskać usich achvotnych.
Evakuacyi nasielnictva z-za vyjaŭleńnia avijabombaŭ časoŭ Druhoj suśvietnaj zdarajucca ŭ Niamieččynie rehularna — tak, tolki 2 vieraśnia ŭ Koblency evakuiravali 22 000 čałaviek. Adnak evakuacyja ŭ Frankfurcie stanie najbujniejšaj pa maštabach.
Padčas Druhoj suśvietnaj vajny avijacyja sajuźnikaŭ skinuła na Hiermaniju paŭtara miljona ton bombaŭ. Mnohija ź ich mieli nienadziejnyja vybuchoŭniki i nie padarvalisia da hetaha času.
Z-za hetaha ŭ krainie znachodziać tysiačy nierazarvanych avijabombaŭ. Prablema nastolki vostraja, što ŭ Niamieččynie navat stvaryli dla likvidacyi takich bojeprypasaŭ asobnuju sapiornuju słužbu.
Drukujecca ŭ miežach śpiecyjalnaj rubryki «Naviny Hiermanii»
Ciapier čytajuć
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma4
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary