Śledčy kamitet pryniaŭ da vytvorčaści kryminalnuju spravu, raspačatuju Departamientam finansavych rasśledavańniaŭ Kamiteta dziaržkantrolu ŭ dačynieńni da biznesmiena Juryja Aviarjanava, a taksama šerahu kiraŭnikoŭ kamiercyjnych struktur. Pra heta TUT.BY paviedamiła aficyjny pradstaŭnik SK Julija Hančarova.
Kryminalnaja sprava rasśledujecca ŭ suviazi z uchileńniem ad vypłaty padatkaŭ subjektami haspadarańnia. Pa padazreńni ŭ ździajśnieńni supraćpraŭnych dziejańniaŭ zaklučany pad vartu šeść čałaviek, u tym liku dyrektary ZAT «Handlovy śviet - «Kalco» i TAA «Park zabaŭ Drymłend», kiraŭnik «Madison Royal Club» i inšyja.
Pravodzicca rasśledavańnie, adznačyła Hančarova. Juryj Aviarjanaŭ znachodzicca za miežami Biełarusi, udakładniła jana.
Bolš za paŭtary hoda tamu ŭ Aviarjanava razharełasia «vajna» z kredytorami za svaje aktyvy. Tady ž biznesoviec vykłaŭ TUT.BY svaju viersiju taho, što adbyłosia. Akramia taho, vyśvietliłasia, što pradprymalnik, u jakoha było šmat daŭhoŭ, asieŭ u Jeŭropie. Zatym stała źjaŭlacca infarmacyja, što kampanii Aviarjanava stali adna za adnoj sychodzić u bankructva. Adnym z apošnich heta zrabiła ZAT «Handlovy śviet — «Kalco» (abjadnoŭvaje aŭtamabilny i budaŭničy rynki i handlovyja centry ŭ staličnym mikrarajonie Malinaŭka), sudovaje raźbiralnictva pa jakim pryznačanaje na 5 kastryčnika.
U pačatku «nulavych» Jury Aviarjanaŭ taksama adjazdžaŭ ź Biełarusi, kali na łavie padsudnych apynulisia šaściora kiraŭnikoŭ aŭtamabilnaha rynku.
-
Žurnalistka «Sputnika» źviartajecca da Łukašenki: jaje syn pastupiŭ u Vyšejšuju škołu ekanomiki ŭ Maskvie, a doma na jaho zaviali kryminałku
-
Były supracoŭnik «Bietery» zapisaŭ vialikaje videa pra heta anłajn-kazino. Ciapier u jaho prablemy ź milicyjaj
-
U Minsku raźvitalisia z paetam Uładzimiram Karyznam, aŭtaram słoŭ da ciapierašniaha dziaržaŭnaha himna Biełarusi
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary