Biełarusy zmohuć pabačyć palarnaje źziańnie 8 i 9 vieraśnia, paviedamiŭ BIEŁTA astranom Viktar Małyščyc.
«Z-za ŭspyški na Soncy ŭ bližejšyja dva dni jość imaviernaść mocnaj mahnitnaj bury i, adpaviedna, taho, što biełarusy zmohuć pabačyć palarnaje źziańnie», — skazaŭ Małyščyc.
Pavodle jaho słoŭ, mnohaje zaležyć ad umoŭ nadvorja. «Palarnaje źziańnie možna budzie ŭbačyć tolki ŭ ciomny čas sutak, kali nie budzie vobłačnaści. Dla hetaha lepš vyjechać dalej ad horada i hladzieć na paŭnočnuju častku nieba. Naŭrad ci palarnaje źziańnie budzie vidać u Minsku, takaja mahčymaść vypadaje, napeŭna, raz u sto hadoŭ», — adznačyŭ astranom.
Jak paviedamlałasia, na Soncy 6 vieraśnia adbyłasia macniejšaja za 12 hadoŭ ŭspyška. Navukoŭcy adznačajuć, što hetaja ŭspyška ŭvajšła ŭ top-5 samych mocnych prajaŭ soniečnaj aktyŭnaści za ŭsiu historyju nazirańniaŭ.
Kamientary