25 hadoŭ tamu na płoščy Niezaležnaści adbyłasia ŭračystaja vajskovaja prysiaha na viernaść Biełarusi VIDEA, FOTA
25 hadoŭ tamu, 8 vieraśnia 1992 hoda dziejnyja aficery i aficery zapasu, adznačyli Dzień biełaruskaj vajskovaj słavy — pieramohu pad Oršaj 1514 hoda — prysiahaj na płoščy Niezaležnaści.
U arhkamitet pa śviatkavańni ŭvajšło kiraŭnictva Biełaruskaha zhurtavańnia vajskoŭcaŭ i Biełaruskaha Narodnaha Frontu. Raspaŭsiudžvalisia ŭlotki, tema šyroka aśviatlałasia ŭ presie. Mastaki z supołki «Pahonia» vyrabili charuhvy, partrety histaryčnych asobaŭ, bujny tekst prysiahi i vializny hierb «Pahonia».
Uračystaja cyrymonija była pryznačanaja na druhuju pałovu dnia ŭ niadzielu.
— Na prysiahu jechali z usich kutkoŭ Biełarusi, Salihorska, Barysava Maładziečna… Byŭ patryjatyčny ŭzdym, — zhadvaŭ niekalki hadoŭ tamu Valeryj Kostka ŭ intervju gazetaby.com. — Ja ŭznačalvaŭ tady Maładziečanskuju strukturu BZV. My, pa-mojmu, zamovili dva aŭtobusy, u Minsk adpraviłasia nie mienš za 50 čałaviek.
Płošča Niezaležnaści była zapoŭnienaja soncam i narodam. U asnoŭnym heta byli ludzi, jakija prajšli vajskovuju słužbu — chto radavym, chto siaržantam, chto aficeram, raspaviadaje Valeryj Kostka.
Na scenie, ustalavanaj nasuprać piedinstytuta, znachodzilisia zasnavalnik i kiraŭnik BZV Mikałaj Statkievič, lidar BNF Zianon Paźniak, piśmieńnik Vasil Bykaŭ.
Čytajcie taksama:
Šejman u namieśnikach Statkieviča. 26 hadoŭ tamu biełaruskija aficery stvaryli svajo Zhurtavańnie
Uračysta vyjšli ŭ vajskovaj formie aficery, jakija praciahvali słužbu, i deputaty Viarchoŭnaha Savieta. Aficeraŭ uznačalvaŭ kamandzir bryhady śpiecnaza pałkoŭnik Uładzimir Baradač, deputataŭ — Siarhiej Navumčyk. Stali ŭ šerah, stali tvaram da prysutnych.
Paźniak vystupiŭ z pramovaj, u jakoj raspavioŭ, čamu pravodzicca prysiaha. Mikałaj Statkievič začytaŭ jaje tekst. Jaho słovy paŭtarali ŭsio, što stajali na płoščy.
— Heta było vielmi pryhožaje vidovišča. Da hetaha času staić u pamiaci, — uspaminaje Valeryj Kostka.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza12
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary