Pradstaŭnik Ruskaha sajuza Łatvii Mirasłaŭ Mitrafanaŭ zajaviŭ, što jaho arhanizacyja «budzie vymušanaja adkazać na lubyja pahrozy ŭ adras ruskich škoł». Jak ličyć aktyvist, ideja Nacyjanalnaha abjadnańnia ab pieravodzie navučańnia vyklučna na łatyšskuju movu źjaŭlajecca pieradvybarnym chodam i sprobaj schavać «adsutnaść jakich-niebudź stanoŭčych vynikaŭ dziejnaści», paviedamlaje Delfi.
Mitrafanaŭ adznačyŭ, što ruskaja supołka Łatvii adkaža masavymi pratestami na sproby vykaranić bilinhvalnaje navučańnie. Šmat u čym, pavodle jaho słoŭ, raźvićcio situacyi budzie zaležać ad dziejańniaŭ urada z Marysam Kučynskisam na čale. «Jany abo padyhrajuć nacyjanalistam i zrobiać jašče adzin niedružalubny krok u adnosinach da ruskich škoł, abo im chopić rozumu nie dapuścić eskałacyi situacyi, vykinuć hety prajekt u śmietnicu», — skazaŭ Mitrafanaŭ.
«Viadoma, łatyšskuju movu treba viedać i vučyć, ale pravy nacmienšaściaŭ na atrymańnie adukacyi na svajoj rodnaj movie va ŭsim śviecie ličacca adnym z pryncypaŭ demakratyi», — dadaŭ člen praŭleńnia Ruskaha sajuza Jakaŭ Plinier.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA100
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary