Parłamient Litvy razhledzić prapanovu ab pradastaŭleńni pracujučym babulam i dziadulam adpačynku pa dohladzie ŭnukaŭ z vypłataj adpaviednaj dapamohi. Na hetym tydni parłamient u pieršym čytańni ŭchvaliŭ adpaviednyja papraŭki, prapanavanyja kansiervataram Monikaj Navickienie, paviedamlaje Delfi.
Pa słovach Navickienie, tak maładyja siemji mahli b viarnucca na pracu raniej, čym praz dva hady. Deputat padkreśliła, što na takija vypłaty mohuć pretendavać tolki dziaduli abo babuli, jakija pracujuć. Kansiervatar ličyć, što siemjam, jakija chočuć chutčej viarnucca na rynak pracy, «lepš pa damoŭlenaści pakinuć dziaciej babuli abo dziaduli, čym najomnaj niani, bo heta spryjaje ŭmacavańniu siamiejnych suviaziaŭ».
Staršynia parłamienckaha kamiteta pa pytańniach sacyjalnych spraŭ i pracy Alhirdas Sisas pažartavaŭ, kamientujučy papraŭku, što heta dyskryminacyja pažyłych ludziej, bo jany spačatku «vyhadavali svaich dziaciej, a ciapier im pryjdziecca jašče i vychoŭvać unukaŭ».
«Strachavańnie pa dohladzie dziciaci, pa chvarobie abo maciarynstvie niesbałansavanaje. Dachody našmat mienšyja za vydatki. Pakolki ŭsie kažuć, što chočuć viarnucca na rynak pracy, treba padtrymać ideju skaračeńnia adpačynku pa dohladzie dziciaci, zrabić jak u Skandynavii, kab jaho brali maci i baćka pa 4 miesiacy. Tady my budziem jeŭrapiejcami, tamu ja dakładna nie mahu ŭchvalić hetuju prapanovu», — skazaŭ Sisas.
U ciapierašni čas u Litvie dapamoha pa dohladzie dziciaci dla tych, chto biare adpačynak na hod, składaje 100% byłoj zarpłaty, a dla tych, chto sychodzić u adpačynak na dva hady — 70% u pieršy i 40% u druhi hod adpačynku.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary