45-hadovaha minčuka abvinavačvajuć u razbeščvańni i ździajśnieńni hvałtoŭnych seksualnych dziejańniaŭ u dačynieńni da małaletniaha dziciaci. Achviaraj piedafiła stała 6-hadovaja dziaŭčynka. Pra heta TUT.BY raspaviali ŭ prakuratury Minskaha rajona.
3 červienia hetaha hoda abvinavačvany, znachodziačysia ŭ adnoj kvatery ź dziaŭčynkaj, demanstravaŭ joj svaje pałavyja orhany. A praz dva tydni na dačy ŭ Minskim rajonie mužčyna schapiŭ dzicia i, niahledziačy na pratesty 6-hadovaj dziaŭčynki, utrymlivajučy za tvar i šyju, ździejśniŭ ź joj «inšyja dziejańni seksualnaha charaktaru».
Mužčynu vystaŭlenaje abvinavačvańnie pa dvuch artykułach — pa č. 1 art. 169 (Raspusnyja dziejańni ŭ dačynieńni da asoby, jakaja nie dasiahnuła šasnaccacihadovaha ŭzrostu) i pa č. 3 art. 167 (Hvałtoŭnyja dziejańni seksualnaha charaktaru, učynienyja nasupierak voli paciarpiełaj z prymianieńniem hvałtu ŭ dačynieńni da zaviedama małaletniaj) KK Biełarusi. Jamu pahražaje ad 8 da 15 hadoŭ pazbaŭleńnia voli.
«Abvinavačany pryznaŭ vinu častkova», — raspaviała pamočnik prakurora pa Minskim rajonie Maryna Fankoŭskaja.
U viedamstvie taksama adznačyli, što 45-hadovy mužčyna pracavaŭ na adnym sa staličnych zavodaŭ. Raniej sudzimy nie byŭ.
Abvinavačany zaklučany pad vartu, kryminalnaja sprava nakiravanaja ŭ sud.
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary