Rasijski apazicyjanier Alaksiej Navalny treci raz za hod adpraŭleny pad aryšt. Simanaŭski sud Maskvy daŭ jamu 20 sutak za pasty ŭ sacyjalnych sietkach z zaklikam vychodzić na mitynh u Nižnim Noŭharadzie
«Ja vas nie vaźmu ŭ cudoŭnuju Rasiju budučyni», - prakamientavaŭ rašeńnie sudździ sam Navalny. Sud pryznaŭ Navalnaha vinavatym u paŭtornym paradku arhanizacyi masavych akcyj, piša Bi-bi-si.
«Kali raniej ja traplaŭ za niesankcyjanavany mitynh, to ciapier mianie ŭžo za całkam lehalny mitynh aryštoŭvajuć. Napeŭna, heta taki padarunak na pucinski jubilej», - prakamientavaŭ rašeńnie suda Navalny [7 kastryčnika Pucinu spoŭnicca 65 hadoŭ].
Kiraŭnika Fondu baraćby z karupcyjaj zatrymali na minułym tydni, ranicaj 29 vieraśnia, u padjeździe jaho doma. Navalny źbiraŭsia jechać na vakzał, a adtul - u Nižni Noŭharad, dzie pavinien byŭ prajści mitynh jaho prychilnikaŭ.
Palicyja patłumačyła zatrymańnie zaklikami palityka da ŭdziełu ŭ niaŭzhodnienaj akcyi. Ułady Nižniaha Noŭharada taksama zajaŭlali, što ŭzhadnieńnia na mitynh u paplečnikaŭ Navalnaha niama.
Kamientary