Adkryty list namieśnikaŭ staršyni Partyi BNF da lidera Ruchu za Svabodu Alaksandra Milinkieviča.
Siabry vybarčaha štabu Alaksandra Milinkieviča ŭ 2006 hodzie, namieśniki staršyni Partyi BNF Viktar Ivaškievič i Alaksiej Janukievič źviarnulisia lidera Ruchu za Svabodu z adkrytym listom. Padajom jaho ŭ aryhinale:
* * *
Spadar Alaksandr!
08.09.2008 h. na sajcie niamieckaj radyjostancyi Deutche Weile źmieščany materyjał vilenskaha karespandenta radyjostancyi pad nazvaju «Byłyja palityčnyja kankurenty demanstrujuć volu supracoŭničać». U toj ža dzień hety materyjał pieradrukavali sajty www.milinkevich.org, www.charter97.org, www.bdg.by.
U hetym materyjale ŭtrymlivajucca Vašyja vykazvańni: «Nam vielmi važna na hetym etapie pabudavać dyjaloh Eŭraźviazu z režymam. Ja nia vieru ŭ toje, što dyktatar u adzin dzień stanie demakratam. Nia budzie jon demakratam, ale jon zacikaŭleny, kab Rasieja nie zabrała Biełaruś, bo tady jon tam nichto budzie...
...Ja vystupaju za toje, kab tyja 12 punktaŭ, vystaŭlenyja Eŭrakamisijaj, byli napačatku skaročanyja, moža, da troch. Viadoma, kali ŭłada robić peŭnyja kroki, u adkaz - kroki Eŭraźviazu...
...Palityka pavinna być pry našym udziele, tamu što nichto nia viedaju tak sytuacyju ŭ Biełarusi, jak viedajem jaje my. Palityka nie pavinna być prymityŭnaj, jak baraćba za maralnyja kaštoŭnaści».
U suviazi z hetymi niečakanymi vykazvańniami my prosim Vas patłumačyć i adkazać na niekatoryja pytańni, a mienavita:
1. Kaho Vy majecie na ŭvazie pad słovam «Nam»?
2. Jakija 3 z 12 patrabavańniaŭ Eŭrakamisii pa demakratyzacyi Biełarusi Vy zhodnyja adstojvać, a ad jakich chočacie admovicca?
3. Nakolki stasujecca Vašaje žadańnie admovicca ad prymityŭnaje palityki baraćby za maralnyja kaštoŭnaści z Vašymi lozunhami «Razam! Vierym! Možam! Pieramožam!».
Prosim Vas adkazać na našyja pytańni adkryta ŭ ŚMI, bo ličym, što palityk nia maje prava padzialać svaje vykazvańni na ekspartnyja i dla ŭnutranaha ŭžytku, bo robicca niezrazumiełym, kali ž jon kaža praŭdu.
Prosim niezaležnyja ŚMI apublikavać naš list, bo demakratyčnyja hramadzkaść maje prava viedać sapraŭdnyja dumki svaich «kumiraŭ».
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja15
Kamientary