Ambasada ZŠA papiaredziła pra zboj u rehistracyi na łatareju hryn-kart
Praz techničnyja prablemy źmienienyja terminy rehistracyi ŭ konkursie na atrymańnie hryn-karty. Usie adpraŭlenyja da 18 kastryčnika zajaŭki treba paćvierdzić paŭtorna, paviedamlaje pres-słužba ambasady ZŠA ŭ Biełarusi.
Rehistracyju pa prahramie «Vizavaja łatareja dla imihrantaŭ roznych nacyjanalnaściaŭ» (DV-2019) pačali znoŭku. Tak spadziajucca zabiaśpiečyć «spraviadlivaść i abaronu cełasnaści pracesu ŭ intaresach usich zadziejničanych bakoŭ».
«Novy rehistracyjny pieryjad dla padačy elektronnych zajaŭ na DV-2019 adkryvajecca apoŭdni (čas Ńju-Jorka i Vašynhtona) u sieradu, 18 kastryčnika, i zakryvajecca apoŭdni (čas Ńju-Jorka i Vašynhtona paśla pierachodu na zimovy čas) u sieradu, 22 listapada», — udakładnili ŭ pasolstvie ZŠA.
Usie tyja, chto zajaŭlaŭsia da 18 kastryčnika, pavinny dasłać zajavu znoŭ. Inakš ankietu prosta nie razhledziać. U takim vypadku rajać:
«Vy možacie padać jašče adnu, novuju zajaŭku, i vy nie budziecie dyskvalifikavanyja za adpraŭku niekalkich ankiet. Asoby, jakija padaduć bolš za adnu ankietu na praciahu novaha pieryjadu rehistracyi, buduć dyskvalifikavanyja».
Kamientary