Łaŭreat Nobieleŭskaj premii Ałfioraŭ: U 90-ja ruskuju movu vyhnali ź biełaruskich škoł
Napiaredadni 100-hodździa Kastryčnickaj revalucyi łaŭreat Nobieleŭskaj premii pa fizicy za 2000 hod daŭ intervju sajtu «Izborskij kłub». Ałfioraŭ, jak uradženiec Čašnikaŭ, uzhadaŭ u hutarcy i Biełaruś.
U Ałfiorava spytalisia, ci ličyć jon 7 Listapada śviatam dla jaho. «Niesumnienna! Mianie raduje, jak stavicca da dasiahnieńniaŭ savieckaha času Alaksandr Ryhoravič Łukašenka.
Paśla 1991 hoda ŭ Biełarusi pajšła takaja ž rabaŭnickija pryvatyzacyja, jak u Rasii, ruskuju movu vyhnali sa škoł, a ŭsia dziaržaŭnaja simvolika - ściah, hierb i h.d. — kapijavali tak zvanuju Biełaruskuju Narodnuju Respubliku, jakaja była abvieščana ŭ čas akupacyi Biełarusi niemcami ŭ 1918 hodzie. I dzień jaje abviaščeńnia abviaścili dziaržaŭnym śviatam — Dniom niezaležnaści», — skazaŭ Ałfioraŭ.
Heta nie adpaviadaje rečaisnaści. 25 Sakavika, kali była abvieščana niezaležnaść BNR, nikoli nie ličyłasia ŭ Biełarusi Dniom niezaležnaści, u 90-ja Dzień niezaležnaści adznačaŭsia 27 lipienia.
«A Łukašenka viarnuŭ savieckuju simvoliku, zrabiŭ ruskuju movu druhoj dziaržaŭnaj, i Dzień niezaležnaści vyrašana było adznačać u dzień vyzvaleńnia Minska Čyrvonaj Armijaj u 1944 hodzie. Łukašenka tak i skazaŭ: Biełaruś stała niezaležnaj dziakujučy Čyrvonaj Armii. Ja liču, što najvialikšaje śviata i sapraŭdny Dzień niezaležnaści dla Rasiei — 7 listapada. I chaj jon da nas vierniecca», — praciahnuŭ Ałfioraŭ.
Žares Ałfioraŭ źjaŭlajecca siabram Kamunistyčnaj partyi Rasijskaj fiederacyi (KPRF). Nobieleŭskuju premiju jon atrymaŭ za raspracoŭku paŭpravadnikovych hieterastruktur i stvareńnie chutkich opta- i mikraelektronnych kampanientaŭ.
Škołu Ałfioraŭ skončyŭ u Minsku, ale vučycca va ŭniviersitet pajechaŭ u Leninhrad. Z taho času žyvie ŭ Rasii.
Ciapier čytajuć
Minsk u sieradu viečaram pahruziŭsia ŭ ciemru. Paśla zahadu Łukašenki51
Minsk u sieradu viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary