Hran-pry «Zołata Listapada-2017» za najlepšy film atrymała karcina «Listapad» (Estonija, Niderłandy, Polšča), pieradaje karespandent BiełTA z cyrymonii ŭznaharodžańnia pieramožcaŭ XXIV Minskaha mižnarodnaha kinafiestyvalu «Listapad».
Režysior filma-pieramožcy Rajnier Sarniet, prymajučy ŭznaharodu, adznačyŭ, što, pracujučy nad karcinaj, jaje stvaralniki chvalavalisia, ci budzie jana zrazumiełaja inšym etnasam, bo zdymali na asnovie estonskaj narodnaj mifałohii. Tamu jon rady, što film dobra pryniaty i vysoka acenieny.
U hetaj karciny taksama pryz «Za najlepšaje hukavoje (muzyčnaje) rašeńnie filma» i pryz «Za najlepšuju apieratarskuju rabotu imia Ju.A. Maruchina».
Pryz «Za najlepšy scenar» žury prysudziła Asifu Rustamavu, Ilharu Nadžafu, Rułofu Janu Miniebo - karcina «Hranatavy sad», režysior Ilhar Nadžaf (Azierbajdžan).
Najlepšuju mužčynskuju rolu, na dumku žury, syhraŭ Majnchard Nojman ŭ filmie «Viestern», režysior Valeska Hryziebach (Hiermanija, Bałharyja, Aŭstryja), a najlepšuju žanočuju - Iryna Harbačova ŭ karcinie «Arytmija», režysior Barys Chlebnikaŭ (Rasija, Finlandyja, Hiermanija).
U «Arytmii» taksama śpiecyjalny pryz žury.
Uznaharodu za najlepšuju režysuru atrymaŭ Šarunas Bartas - film «Šać» (Litva, Francyja, Polšča, Ukraina). Akramia taho, dypłomy asnoŭnaha konkursu atrymali akcior Hurban Ismaiłaŭ («Hranatavy sad») i najlepšaja para - Vieranika Lin i Alda Najt ź filma «Kandełaryja», režysior Džoni Chiendryks Iniestrosa (Kałumbija, Hiermanija, Narviehija, Arhiencina, Kuba).
XXIV Minski mižnarodny kinafiestyval «Listapad» prachodziŭ z 3 pa 10 listapada.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ18
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary