U Minsku ŭ brackaj mahile pachavali 60 čałaviek, čyje svajaki nie pryjšli pa prach

U Minsku da hetaha času źjaŭlajucca brackija mahiły. U ich spačyvajuć pamierłyja nie ŭ vyniku bitvy, hoładu, epidemii ci stychijnaha biedstva. Hetyja ludzi pajšli z žyćcia praz šanoŭny ŭzrost abo pa chvarobie. U ich zastalisia blizkija svajaki, jakija pa niejkich pryčynach nie zmahli ci nie zachacieli ŭziać na siabie arhanizacyju pachavańnia. Pra toje, čamu takaja prykraść zdarajecca, pišuć «Minsk-naviny».

Havorka idzie pra staŭleńnie da niabožčykaŭ, jakich kremiravali. Apošni raz, jak paviedamili va UP «Śpieckambinat KBA», u ahulnuju mahiłu zachavali 60 urnaŭ z pracham sioleta ŭ kastryčniku na mohiłkach «Zachodnija».

Niekatoryja rodzičy afarmlajuć nieabchodnyja dakumienty, apłačvajuć rytualnuju pasłuhu, dastaŭlajuć cieła ŭ krematoryj i na hetym ličać svoj abaviazak pierad niabožčykam vykananym. Urny z pracham mohuć znachodzicca ŭ admysłovym pamiaškańni krematoryja maksimum 3 hady. Kali pa zakančeńni hetaha pieryjadu ich nie zabirajuć, zakanadaŭstvam praduhledžana ažyćciaŭleńnie pachavańnia ŭ ahulnuju mahiłu.

— Pa mahčymaści starajemsia padoŭžyć hety termin u nadziei, što svajaki pamierłych usio ž zabiaruć prach i hodna pravodziać u apošni šlach blizkaha čałavieka, — kaža namieśnik dyrektara UP «Śpieckambinat KBA» Siarhiej Tur. — Źviazvajemsia ź imi pa telefonie, pišam listy. Adny nijak nie reahujuć. Niechta adkazvaje, što niama srodkaŭ, i prosiać jašče pačakać. Choć dla taho, kab padzachavać skryniu va ŭžo isnujučuju mahiłu, nijakich finansavych układańniaŭ nie patrabujecca. Treba tolki padać dakumienty ab paćviardžeńni stupieni svajactva (ułaścivaści). Naprykład, kali ŭ mahiłu baćki źbirajucca padzachavać urnu z pracham syna, dastatkova pakazać va UP «Śpieckambinat KBA» paśviedčańnie ab naradžeńni apošniaha.

U žniŭni pa prośbie Śpieckambinata KBA na infarmacyjnym partale minsknews.by byŭ źmieščany śpis 68 niezapatrabavanych urnaŭ z ukazańniem źviestak pamierłych, jakija byli kremiravany z 2009 pa 2014 hod, i ich blizkich svajakoŭ.

— Dziakujučy tamu, što byŭ abnarodavany hety śpis, 8 skryniaŭ zabrali, — adznačaje Siarhiej Tur. — Astatnija pachavali siłami i za srodki pradpryjemstva. Na ahulnaj mahile ŭstalavany identyfikacyjny znak z ukazańniem proźvišča, imia, daty naradžeńnia i śmierci pachavanych. Ale prablema zastajecca: z 2014 hoda ŭ krematoryi zachoŭvajecca bolš za 20 urnaŭ.

• 0
• 0
• 0
• 0
• 0
• 0
• 0
• 0