Raźvitalnyja słovy apublikavała «Narodnaja Vola».
«U apošni hod jaho zdaroŭje mocna pachisnułasia. Ale nie było dnia, kab Ivan Piatrovič Makałovič nie zavitaŭ u redakcyju. Niezaŭvažna zachodziŭ u vialikuju zału, dzie mieściacca amal usie supracoŭniki, i hetak ža niezaŭvažna pracavaŭ, prapanoŭvajučy samyja roznyja materyjały.
Jaho bahaty žyćciovy vopyt dazvalaŭ niestandartna hladzieć na samyja roznyja padziei, hłyboka analizavać fakty, zaŭvažać toje, čym treba daražyć kožny dzień. Jaho šlach — ad šarahovaha kałhaśnika, ad sałdata, ad studenta da kiraŭnika vysokaha ŭzroŭniu. Paśla ŭniviersiteta pracavaŭ u abłasnoj haziecie «Minskaja praŭda», zatym u «Źviaździe», dzie byŭ zahadčykam adździeła, namieśnikam redaktara i hałoŭnym redaktaram. Byŭ čas, kali jon kiravaŭ Dziaržaŭnym kamitetam BSSR pa druku.
Ivan Piatrovič Makałovič usioj dušoj uspryniaŭ Niezaležnaść Biełarusi, jon nie tolki maryŭ pra roskvit krainy, adradžeńnie jaje samabytnaj kultury, historyi, ale i šmat zrabiŭ dla hetaha, pracujučy z 1990 hoda spačatku namieśnikam redaktara ŭ parłamienckaj «Narodnaj haziecie», a zatym, z 1995 hoda, namieśnikam hałoŭnaha redaktara haziety «Narodnaja Vola».
Zdajecca, tolki ŭčora Ivan Piatrovič patelefanavaŭ z domu i cichim hołasam, biez skarhi na zdaroŭje skazaŭ: «Bieražycie «Narodnuju Volu»!» My, supracoŭniki redakcyi, zrazumieli hetyja jaho słovy jak zapaviet.
Što ž, Ivan Piatrovič, Vam vialiki dziakuj za samaaddanuju pracu na karyść Ajčyny, na karyść «Narodnaj Voli»! Budziem zaŭždy pomnić Vašu ščyraść, Vašu dabryniu i budziem usio rabić dla taho, kab źbierahčy «Narodnuju Volu».
Niachaj stanie pucham dla Vas rodnaja ziamla!»
Kalektyŭ redakcyi haziety «Narodnaja Vola».
Redakcyja «Našaj Nivy» dałučajecca da spačuvańniaŭ rodnym i blizkim spadara Ivana Makałoviča (1940—2017).
Chto ź biełarusaŭ trapiŭ na pryjom da prezidenta Polščy ŠMAT FOTA10
Kamientary