Navukoŭcy vyjavili suviaź pamiž rańnim abłysieńniem i chvarobami serca ŭ budučyni
Rańniaje abłysieńnie i rańniaja sivizna ŭ mužčyn maładziejšych za 40 hadoŭ mohuć śviedčyć ab schilnaści da sardečnych zachvorvańniaŭ. Jak pakazvajuć apublikavanyja dadzienyja, heta navat bolš dakładnaja prykmieta budučych prablem z sardečna-sasudzistaj sistemaj (SSS), čym atłuścieńnie, paviedamlaje Bi-Bi-Si.
Navukoŭcy abśledvali bolš za 2000 maładych mužčynaŭ, što žyvuć u Indyi. Ź ich 1270 nie mieli prablem z SSS i ŭvajšli ŭ kantrolnuju hrupu dla praviadzieńnia daśledavańnia.
Navukoŭcy vyjavili, što tyja, u kaho naziralisia zachvorvańni sardečna-sasudzistaje sistemy, pačali rana hublać vałasy abo davoli rana pasivieli. Suviaź pamiž najaŭnaściu chvarobaŭ sardečna-sasudzistaje sistemy i lišniaj vahoj akazałasia značna mienš vyraznaj.
Daktary vyvučyli historyi chvarob usich udzielnikaŭ daśledavańnia, i padzialili ich na hrupy ŭ zaležnaści ad stupieni straty vałasoŭ i najaŭnaści sivizny. Zatym daśledčyki supastavili hetyja dadzienyja z vyjaŭlenymi inšymi simptomami zachvorvańniaŭ serca.
Vyjaviłasia, što maładyja mužčyny, jakija majuć zachvorvańni SSS, z značna bolšaj vierahodnaściu sivieli davoli rana: 50% suprać 30% z kantrolnaje hrupy. Akramia taho, tyja, u kaho naziralisia chvaroby serca, z bolšaj vierahodnaściu davoli rana pačynali łysieć: 49% suprać 27% u kantrolnaj hrupie.
U toj ža čas najaŭnaść lišniaj vahi śviedčyła pra chvaroby serca značna radziej.
«Mahčymym čyńnikam isnavańnia takoje ŭzajemasuviazi moža być pryroda bijałahičnaha stareńnia. Heta značyć pracesy stareńnia ŭ niekatorych pacyjentaŭ mohuć zapuskacca raniej i prachodzić chutčej, i heta moža adbivacca na stanie vałasoŭ», — kaža adzin z aŭtaraŭ daśledavańnia Kamał Šarma.
Heta nie pieršaje padobnaje daśledavańnie. Tak, ekśpierymient, u jakim pryniali ŭdzieł kala 37 tysiač žycharoŭ Japonii ŭ 2013 hodzie, pakazaŭ, što ŭ mužčyn, jakija łysiejuć, ryzyka sardečna-sasudzistych zachvorvańniaŭ była na 32% vyšej, čym u ich adnahodkaŭ, jakija nie sutykalisia z prablemaj straty vałasoŭ.
Anałahičnaje daśledavańnie było praviedzienaje i ŭ Danii ŭ 2014 hodzie. U im uziali ŭdzieł amal 11 tysiač čałaviek. Heta daśledavańnie taksama pakazała, što rańniaja sivizna davoli časta kaža ab vysokaj ryzycy ŭźniknieńnia chvarobaŭ serca.
U Brytanskim fondzie pa vyvučeńni zachvorvańniaŭ serca adznačajuć, što razam ź siviznoj i abłysieńniem vielmi važna ŭličvać i inšyja faktary ryzyki.
«Na heta [siviznu i abłysieńnie] vy nie možacie paŭpłyvać. U toj ža čas vy možacie akazać upłyŭ na inšyja faktary ryzyki: źmianić svoj ład žyćcia, a taksama rehulavać uzrovień chalesterynu i sačyć za svaim ciskam. Tamu ŭličvać hetyja faktary značna važniej «, — kaža Majk Kneptan, jaki vykonvaje abaviazki dyrektara Brytanskaha fonda pa vyvučeńni zachvorvańniaŭ serca.
Kamientary