Ab pryniatych Alaksandram Łukašenkam kadravych rašeńniach raspavioŭ žurnalistam Dziaržaŭny sakratar Rady biaśpieki Stanisłaŭ Zaś paśla narady kiraŭnika krainy z kiraŭnikami šerahu siłavych struktur. Pra heta paviedamlaje sb.by.
Načalnikam Słužby biaśpieki prezidenta pryznačany pałkoŭnik Dźmitryj Šachrajeŭ. Raniej jon byŭ namieśnikam načalnika Słužby biaśpieki prezidenta. Apošnim časam vykonvaŭ abaviazki načalnika Apieratyŭna-analityčnaha centra.
Načalnikam Apieratyŭna-analityčnaha centra pryznačany pałkoŭnik Andrej Paŭlučenka. Jon pracavaŭ načalnikam Słužby biaśpieki prezidenta.
Stanisłaŭ Zaś źviarnuŭ asablivuju ŭvahu na toje, što abodva aficery dobra zarekamiendavali siabie ŭ pracy na raniejšych pasadach i pryniataje rašeńnie ŭ najbolšaj stupieni ŭličvaje ich dziełavyja jakaści:
«Pałkoŭnik Paŭlučenka paśpiachova pracavaŭ na pasadzie načalnika Słužby biaśpieki prezidenta. Da jaho niama nijakich pretenzij. Ale, uličvajučy jaho patencyjał jak apieratyŭnaha rabotnika, jak śpiecyjalista-analityka, pryniata takoje rašeńnie… Pałkoŭnik Šachrajeŭ spraviŭsia z zadačaj, jakaja pierad im stajała ŭ AAC — uskałychnuć kalektyŭ, navieści paradak i naładzić pracu».
Narada ŭ Łukašenki, pa słovach Stanisłava Zasia, było pryśviečana baraćbie z karupcyjaj i biaśpiecy ŭ cełym:
«Akcent zrobleny na pracy dvuch padraździaleńniaŭ - Słužby biaśpieki prezidenta i Apieratyŭna-analityčnaha centra pry prezidencie. Razhladaŭsia biahučy stan spraŭ i zadačy, jakija vyrašajucca hetymi dvuma strukturami».
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary