Mnohija akaŭnty, ź jakich adpraŭlalisia paviedamleńni ŭ padtrymku prezidenta Rasii z chešteham #PutinKrut Ukantakcie, naležać pamierłym ludziam. Jany byli ŭzłamanyja. Pra heta paviedamili telekanału «Dožd́» u pres-słužbie sacyjalnaj sietki.
«Nazvanyja akaŭnty byli ŭzłamanyja, słužba maderacyi sacyjalnaj sietki apieratyŭna zabłakavała staronki pry vyjaŭleńni», — havorycca ŭ paviedamleńni pres-słužby Ukantakcie.
Raniej pra toje, što paviedamleńni ŭ padtrymku Pucina adpraŭlalisia z akaŭntaŭ pamierłych ludziej, paviedamiła vydańnie Znak.com. Na heta źviarnuli ŭvahu karystalniki sacsietki. Źmiest usich paviedamleńniaŭ byŭ padobny — postar z vyjavaj Pucina i jaho cytataj ź vialikaj pres-kanfierencyi, jakaja prajšła 14 śniežnia, i nabor cheštehaŭ.
Znak.com, u pryvatnaści, źviarnuŭ uvahu na staronku Ludmiły Brykavaj. U apošni raz siabry publikavali zapisy na jaje staroncy ŭ 2013 hodzie. Z hetaj staronki apublikavali jak minimum dva paviedamleńni z adnolkavym źmiestam — postar z Pucinym i nabor cheštehaŭ — u dźviuch roznych supołkach Ukantakcie. Paśla hetaha na staroncy Brykavaj napisali, što žančyna pamierła ŭ 2013 hodzie.
Vydańnie śćviardžaje, što paviedamleńni z chešteham # PutinKrut — heta fłešmob, arhanizavany z metaj źviarnuć uvahu na pres-kanfierencyju kiraŭnika dziaržavy. U pravym kucie postaraŭ ź jaho cytatami možna pabačyć łahatyp «Maładoj hvardyi Adzinaj Rasiei». Pres-sakratar arhanizacyi na pytańni pra suviaź z fłešmobam nie adkazała.
Ciapier čytajuć
Zahinuŭ biełaruski dobraachvotnik Alaksiej Łazaraŭ2
Kamientary