Padčas padrychtoŭki materyjała pra los dziaciej biełaruskich čynoŭnikaŭ karespandenty «Našaj Nivy» vyjavili, što starejšy syn ministra zamiežnych spraŭ Uładzimira Makieja źmianiŭ miesca pracy.
Vital Makiej pieraviedzieny na pasadu namieśnika načalnika Upraŭleńnia ekanamičnaha supracoŭnictva i ŭstojlivaha raźvićcia ŭ Hałoŭnym upraŭleńni šmatbakovaj dypłamatyi Ministerstva zamiežnych spraŭ Biełarusi.
Miž im i baćkam — try «prystupki» pa ijerarchii ministerstva. Hałoŭnaje ŭpraŭleńnie šmatbakovaj dypłamatyi, dzie pracuje Vital, kuryruje namieśnik ministra Andrej Dapkiunas.
Vital Makiej viarnuŭsia ŭ Biełaruś razam z žonkaj Marharytaj i dačkoj Maryjaj.
Raniej syn ministra byŭ daradcam pa ekanamičnych i ekałahičnych pytańniach u pradstaŭnictvie Biełarusi pry AAN. Jon byŭ u padnačaleńni taho samaha Dapkiunasa, tahačasnaha pradstaŭnika krainy ŭ AAN.
Štomiesiačny zarobak Makieja ŭ Ńju-Jorku składaŭ, razam z dapłatami, kala $4000, aproč taho, vydzialalisia słužbovaje žyllo i aŭtamabil.
Jašče raniej Vital pracavaŭ pieršym sakratarom pasolstva Biełarusi ŭ Aŭstryi.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary