Ministerstva achovy zdaroŭja Ukrainy inicyjavała pierahlad usich dziejsnych pravavych aktaŭ na najaŭnaść hiendarnaj niaroŭnaści.
U suviazi z hetym raspracavany prajekt viedamasnaha dakumienta, jaki nieŭzabavie admienić zahad ad 29 śniežnia 1993 hoda «Ab pieraliku ciažkich rabot i rabot sa škodnymi i niebiaśpiečnymi ŭmovami pracy, na jakich zabaraniajecca vykarystańnie pracy žančyn», paviedamlaje sajt ministerstva.
«My vystupajem suprać lubych abmiežavańniaŭ i za roŭnyja mahčymaści dla žančyn i mužčyn. Tamu i adbyvajecca pierahlad dakumientaŭ Ministerstva achovy zdaroŭja na najaŭnaść prykmiet dyskryminacyi. Prajekt dakumienta, jaki pazbaŭlaje siłu papiaredni, što ŭklučaŭ kala 450 vidaŭ rabot, raźmieščany na aficyjnym sajcie», — adznačyła Aksana Sivak, namieśnik ministra achovy zdaroŭja pa pytańniach jeŭrapiejskaj intehracyi.
Što ŭvachodziła ŭ śpis zabaronienych dla žančyn rabot:
- mietałaapracoŭka
- budaŭničyja, mantažnyja i ramontna-budaŭničyja raboty
- hornyja raboty
- hieołaharaźviedačnyja i tapohrafa-hieadezičnyja raboty
- pracy pa zdabyčy nafty i hazu
- pracy pa čornaj i kalarovaj mietałurhii
- ramont abstalavańnia elektrastancyj i sietak, elektratechničnaja vytvorčaść
- vytvorčaść abrazivaŭ
- radyjotechničnaja i elektronnaja vytvorčaść
- ahulnyja prafiesii elektronnaj techniki
- prafiesii chimičnych vytvorčaściaŭ
- prafiesii vytvorčaściaŭ charčovaj pradukcyi
- prafiesii tytuniova-machorkavaj i fiermientacyjnaj vytvorčaści
- pracy na čyhunačnym transparcie i mietrapalitenie, aŭtamabilnym, marskim, račnym transparcie
- palihrafičnaja vytvorčaść
- sielskaja haspadarka
Pa słovach narodnaha deputata Ukrainy z padkamitetu pa pytańniach hiendarnaj roŭnaści i niedyskryminacyi parłamienckaha Kamiteta pa pytańniach pravoŭ čałavieka, nacyjanalnych mienšaściaŭ i mižnacyjanalnych adnosin Iryny Susłavaj, zabarony byli ŭviedzienyja ŭ savieckija časy i zastalisia Ukrainie ŭ spadčynu ad SSSR.
Ciapier dakumient nakiravany na ŭzhadnieńnie ź Minsacpalityki, Minenierhavuhalu, Nacyjanalnaj Akademijaj miedycynskich navuk Ukrainy, prafsajuzami i pracadaŭcami. Paśla prachodžańnia ŭsich uzhadnieńniaŭ jon budzie nakiravany na dziaržaŭnuju rehistracyju ŭ Miniust. A paśla dziaržaŭnaj rehistracyi i aficyjnaha apublikavańnia dakumient ustupić u siłu.
Pobač z Łukašenkam na chakiei źjaviłasia novaja pryhažunia9
Kamientary