«Nie dumała, što tak staniecca»: Alena Anisim źviarnułasia da hramadskaści z prośbaj ab dapamozie TBM
Staršynia Tavarystva biełaruskaj movy, deputat Pałaty pradstaŭnikoŭ Alena Anisim źmiaściła ŭ svaim fejsbuku zvarot da hramadskaści z prośbaj ab dapamozie.
«Nie dumała, što tak staniecca. Ale situacyja zmušaje źviarnucca naŭprost da ŭsich, chto padtrymlivaje dziejnaść TBM i žadaje realna pašyrać prastoru biełaruskaj movy ŭ śfiery adukacyi, infarmacyjnym viaščańni. Jak vy viedajecie, naša arhanizacyja nie maje nijakich palohkaŭ adnosna apłaty arendy pamiaškańnia i kamunalnych pasłuhaŭ, jakaja razam na siońniašni dzień składaje krychu bolš za 2000 rubloŭ», — zaznačaje jana.
Alena Anisim źviartaje ŭvahu, što TBM viadzie davoli vialikuju raznastajnuju dziejnaść: «u nas na siadzibie adbyvajucca zaniatki pa navučańni polskaj movie praź biełaruskuju, a taksama kursy ŭkrainskaj movy. My dajem mahčymaść pravodzić vystavy mastakoŭ, ładzić prezientacyi knih, sustrečy ź piśmieńnikami. U nas jość jašče šmat zadum i idej, jakija chaciełasia b realizavać na praciahu 2018 i nastupnych hadoŭ».
Ale ŭ nas vielmi vostra paŭstała finansavaje pytańnie. My sprabavali jaho vyrašyć pierad źjezdam, źviartalisia i da pradprymalnikaŭ, i da kiraŭnikoŭ bankaŭ, pradpryjemstvaŭ. Na žal, padtrymali nas tolki niekatoryja asoby, što dazvoliła hodna pravieści źjezd.
«Razumieju, što kłopataŭ i vydatkaŭ napiaredadni zimovych śviataŭ va ŭsich chapaje. Ja i sama maju adpaviednyja dabračynnyja abaviazki jak deputat svajoj akruhi. I tamu spadziajusia, što znojdziecca dastatkova šmat ludziej, chto zmoža pieraličyć niachaj sabie i nie vielmi vialikuju sumu — 10 rubloŭ (niechta mienš, niechta i bolš). I my ŭ Novym hodzie budziem pašyrać svaju dziejnaść i pa stvareńni sučasnaha ŭniviersiteta ź biełaruskaj movaj navučańnia ŭ Biełarusi i ažyćciaŭlać novyja idei i inicyjatyvy. Pieraličyć srodki možna lubym z ukazanych sposabaŭ», — zaznačaje staršynia TBM.
Alena Anisim prosić nakiroŭvać achviaravańni na adras, vuł. Rumiancava, 13, h. Minsk, 220034, albo pieraličyć na raźlikovy rachunak TBM № BY84BLBB30150100129705001001 u Adździaleńni № 539 AAT «Bielinviestbanka» IBAN - BLBBBY2X (UNP 100129705) praź luboje adździaleńnie aščadbanka Biełarusbank. Abo praz ARIP.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary