Chvała Chrystu!
Šanoŭnyja kataliki, nabližajecca dzień Usich Śviatych, nahoda ŭšanavać pamiać śviatych, dabrasłavionych, pakutnikaŭ za vieru – jak słavutych, tak i biezymiannych. Vialikaja prośba da ŭsich, chto maje takuju mahčymaść: arhanizavać, asabista, abo praz zvarot da svaich probaščaŭ, žałobnyja nabaženstvy na miescach masavych zniščeńniaŭ katalikoŭ u hady stalinskich represij i II Suśvietnaj vajny, tatalitarnymi režymami Ŭschodu i Zachadu, jakija jość u Vašaj parafii: Chatyń, Naliboki, Kałdyčava, Baranavičy, Navahradak, Dražna, Lida, Surkonty, Kalety, haradzienskija Farty, Kurapaty, Bieraźvieč, Rosica, Baravikoŭščyna i mnohija-mnohija inšyja, dziasiatki i sotni miascinaŭ katalickaha martyrałohu našaha kraju.
Kožny sumlenny katolik musić viedać takija miescy pamiaci ŭ svajoj parafii, i ŭsialak staracca, kab pamiać pra ich nie scirałasia, kab zdabytaje z takimi achviarami śviedčańnie Viery było asensavanaje i pieradadzienaje nastupnym pakaleńniam.
Absalutna nieprymalnyja šum i palityzacyja vakoł hetych mierapryjemstvaŭ, lubyja sproby vykarystać ich u palityčnaj vałtuzni.
Ciapier samy čas hodna padrychtavacca: vyjavić miescy pamiaci (masavaj hibieli «šarahovych» katalikoŭ, abo pakuty śviatych i błahasłaŭlonych u Vašaj parafii (dekanacie), damovicca z probaščami pra Sv. Imšu u kaściołach, pra nabaženstvy na mohiłkach, nie dapuskajučy nijakaj «partyzanščyny» kštałtu samavolnaha ŭstalavańnia kryžoŭ i inšych kanfliktaŭ z cyvilnymi i kaściolnymi ŭładami.
Taksama prośba nie ŭsprymać heta jak niejkuju kampaniju abo kampaniejščynu i prosta razvažyć nad hetym abaviazkam u svaim sercy.
Taksama prośba camastojna paviedamlać pra takija mierapryjemstvy ŭ łakalnaj i ahulnanacyjanalnaj presie, ŽŽ i inšych internet-forumach i h.d.
Zapłaci Boža!
Ciapier čytajuć
Stała viadoma imia jašče adnaho pałkoŭnika DFR, aryštavanaha KDB. Jon raskazvaŭ sukamiernikam, jak jaho katavali12
Kamientary