Ad redakcyi2626

Chto čytaŭ «Našu Nivu» ŭ 2017-m: statystyka. I trochi novaŭviadzieńniaŭ

U internecie statystyka prahladaŭ vielmi dakładnaja. Što ž nam pakazvaje Google Analytics adnosna nn.by?

Za 2017 hod u paraŭnańni z 2016-m ahulnaja kolkaść naviednikaŭ «Našaj Nivy» vyrasła na 10,3% da 4,49 miljona. Kolkaść sieansaŭ-naviedvańniaŭ u nas vyrasła na 13,8% da 15,8 miljona. A kolkaść prahladaŭ — na 12% da 89 miljonaŭ. 

Heta vysokija tempy rostu, kali ŭličyć, što sama aŭdytoryja internetu ŭ krainie ciapier raście ŭsiaho na niekalki pracentaŭ za hod. Heta značyć, naša koła pašyryłasia.

Adznačajem, što kala 21% pierachodaŭ usich naviedvańniaŭ — heta pierachody z sacyjalnych sietak. Zdarovy pakazčyk.

Pa ličbie prahladaŭ «Naša Niva» vyjšła na 3-je miesca ŭ Biełarusi siarod usich infarmacyjnych partałaŭ. My dakazali: biełaruskamoŭny partał moža na roŭnych kankuravać z rasiejskamoŭnymi. 

My budziem i nadalej zmahacca za tuju aŭdytoryju, jakaja raniej pa-biełarusku nie čytała. Bačym u hetym vialikuju metu. Toj, chto čytaje «Našu Nivu», toj užo žyvie ŭ biełaruskim śviecie. 

My taksama patrochu-pacichu pašyrajem tematyčny absiah. Uvažlivy čytač prykmieciŭ, jak u 2017-m vyrasła ŭ nas, naprykład, kolkaść publikacyj na temy technałohij, a taksama dadałasia «Naša Nina». Nichto takoha pa-biełarusku nie rabiŭ da nas! Jak pa-mojmu, źjaŭleńnie takoha vydańnia na rodnaj movie — maleńki kulturny cud.

U 2018 hodzie my zapuścim NN-Afišu — kab vy mahli płanavać svoj volny čas, nie pierachodziačy na rasiejskamoŭnyja sajty. I na hetym nie spynimsia — buduć i siurpryzy.

Jašče važny momant. Prosim pryjazna ŭsprymać rost kolkaści rekłamnych i partniorskich publikacyj. Vy majecie mahčymaść čytać pa-biełarusku, atrymlivać abjektyŭnuju infarmacyju, dziakujučy kamiercyjnamu kantentu. Rost dachodaŭ ad rekłamy nie prosta dazvolić nam pisać i zdymać bolš, tolki jon daść mahčymaść pavyšać standarty. 

U 2017-m my zrabili šerah važnych rasśledavańniaŭ, a ŭ apošni čas, jak vy, mabyć, zaŭvažyli, vyrasła kolkaść vialikich, śpiecyjalnych artykułaŭ

«Naša Niva» roźnicca ad mnohich inšych vydańniaŭ tym, što heta partał svaich čytačoŭ. My publikujem za hod tysiačy dasłanych vami navin, fota, videa, rekamiendavanych vami zapisaŭ z sacsietak. My idziom nasustrač vašym prośbam, navat koštam ryzyki i pamyłak. My budziem pavyšać standarty navat u drabnicach pracy ź infarmacyjaj. Tak, z 1 studzienia my ŭviali dla siabie praviła, što ŭsie faktyčnyja praŭki ŭ artykułach, uniesienyja paśla publikacyi, buduć paznačacca ŭ kancy materyjału — bo heta stvarała časam sprečnyja momanty.

Z nami spračajucca, my paroju vyklikajem vostryja emocyi, ale nas nie ihnarujuć ni tut ni tam, ni tyja ni hetyja. Pamyłki zabuducca, pryncypovaje zastaniecca: biełaruskaje koła pryrastaje, a nie zamykajecca ŭ sabie.

Čytajcie taksama: «Naša Niva» i jaje pazicyja ŭ procistajańni libierałaŭ i kansiervataraŭ

Kamientary26

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

U Sule adznačyli Kupalle. Haściej było stolki, što na darohach utvarylisia zatory9

U Sule adznačyli Kupalle. Haściej było stolki, što na darohach utvarylisia zatory

Usie naviny →
Usie naviny

Pucin paśmiarotna ŭznaharodziŭ zahinułaha namieśnika kiraŭnika VMF druhoj «Załatoj zorkaj» Hieroja Rasii5

«Nie znajšłosia lidara, zdolnaha heta zrabić». Labiedźka raskazaŭ, kali prajhrała demakratyja ŭ Biełarusi i pry čym tut Paźniak99

U pavodcy ŭ Techasie, što nakryła dziciačy letnik, zahinuli najmieniej 51 čałaviek, 27 dziaŭčynak prapali bieź viestak

Stasievič staŭ rekardsmienam Biełarusi pa kolkaści matčaŭ. Jamu padaryli łukašenkaŭski mierč, chacia doma futbalist u čornym śpisie1

Biełaruś — nie ŭskraina, a centr jeŭrapiejskaj historyi, śćviardžaje historyk Cimaci Snajder37

U Krasnadarskim krai žorstkuju pasadku zrabiŭ samalot DTSAAF z parašutystami2

Pieršaje palityčnaje zabojstva ŭ Biełarusi: vybuch u centry horada i dziŭnaja hibiel hałoŭnaha padazravanaha15

Łukašenku na śviacie ŭ Aleksandryi supravadžała aficer Zajcava35

Iłan Mask abviaściŭ ab stvareńni svajoj partyi20

bolš čytanych navin
bolš łajkanych navin

U Sule adznačyli Kupalle. Haściej było stolki, što na darohach utvarylisia zatory9

U Sule adznačyli Kupalle. Haściej było stolki, što na darohach utvarylisia zatory

Hałoŭnaje
Usie naviny →

Zaŭvaha:

 

 

 

 

Zakryć Paviedamić