U apošni dzień 2017 hoda bajaviki ŭ Siryi abstralali rasijskuju avijabazu ŭ Chmiejmimie ź minamiotaŭ, Maskva straciła čatyry bambaviki Su-24, dva źniščalniki Su-35S, transpartny samalot An-72, piša «Kommiersant» sa spasyłkaj na dźvie vajskova-dypłamatyčnyja krynicy. Surazmoŭcy haziety dadali, što bolš za dziesiać vajskoŭcaŭ mahli atrymać ranieńni.
Vydańnie nazyvaje heta «adnym z samych surjoznych zdareńniaŭ» za ŭvieś čas rasijskaj apieracyi ŭ Siryi. Krynicy «Kommiersanta» nie ŭdakładnili, bajeviki jakoj mienavita terarystyčnaj arhanizacyi napali na bazu.
Hazieta taksama piša, što Ministerstva abarony nie kamientavała zdareńnie, a paviedamiła tolki pra krušeńnie viertalota Mi-24. U viedamstvie zajavili, što padčas pieralotu 31 śniežnia z Chmiejmima ŭ inšy rajon Siryi raźbiŭsia viertalot Mi-24, zahinuli dva piłoty, a bortmiechanik atrymaŭ traŭmy, jaho paźniej evakujavali. Pryčynaj vajennyja nazvali techničnuju niaspraŭnaść, u Minabarony padkreślili, što viertalot nie abstrelvali.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia1
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary