Jak pieradaje dyrekcyja miunchienskaj palicyi, 28-hadovy biełaruski narkahandlar, jaki znachodzicca ŭ mižnarodnym vyšuku, byŭ zatrymany ŭ Vierchniaj Bavaryi na pamiežnym kantroli bliz Rozienhajma, paviedamlaje Radyjo Svaboda.
Pry praviercy jahonych dakumientaŭ palicejski kampjutar pakazaŭ, što maładoha čałavieka ad vieraśnia 2017-ha šukajuć biełaruskija ŭłady za niezakonnaje abaračeńnie narkotykaŭ. Padčas pamiežnaha kantrolu taksama byŭ zatrymany 40-hadovy niamiecki hramadzianin, jaki pražyvaje ŭ Aŭstryi. Pavodle kampjutarnych źviestkak, jon byŭ raniej asudžany bavarskim sudom za arhanizacyju «kantrabandnaha praniknieńnia inšaziemcaŭ praź miažu z metaj majomasnaj vyhady». Rašeńniem suda hety čałaviek pavinien byŭ abo zapłacić štraf pamieram kala 4 tysiač jeŭra, abo pravieści niekalki miesiacaŭ za kratami, adnak nie zrabiŭ ni taho, ni druhoha. Paśla taho, jak zatrymany apłaciŭ svaje sudovyja zapazyčanaści i dadatkovy štraf za ich niavypłatu, jon zmoh jechać dalej.
Pavodle infarmacyi bavarskaj palicyi, 28-hadovy biełarus u 2013-2015 hh. naležaŭ da arhanizavanaj hrupoŭki, jakaja zajmałasia niezakonnym abaračeńniem narkotykaŭ, psichatropaŭ, ich prekursoraŭ dy analahaŭ. U 2015 hodzie adzin z pakupnikoŭ rečyva ŭ hetych handlaroŭ pamior.
Paśla zatrymańnia na miažy małady čałaviek byŭ spačatku dastaŭleny ŭ akruhovy sud u Rozienhajmie, a potym, zhodna z rašeńniem hetaj sudovaj instancyi, byŭ nakiravany pad ekstradycyjny aryšt u miunchienskuju turmu. Nieŭzabavie jaho čakaje departacyja na radzimu. U siabie doma ŭ Biełarusi aryštavanamu pahražaje 15-hadovaje pazbaŭleńnie voli.
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja15
Kamientary