Bahaćcie vjetnamskaha biźniesmiena Nhujena Danh Kuanha dasiahnuła 1,2 miljarda dalaraŭ, paviedamlaje TUT.BY. Heta zrabiła jaho trecim pa liku miljarderam ŭ krainie. Jak akazałasia, svaje pieršyja pośpiechi jon zrabiŭ u pačatku 90-ch u Biełarusi.
Staršynia savieta dyrektaraŭ Masan Group Nhujen Danh Kuanh skončyŭ fizičny fakultet BDU ŭ 1991 hodzie.
U spravazdačy Masan Group za 2015 h. taksama adznačana, što biźniesmien źjaŭlajecca doktaram techničnych navuk, abaraniŭšy dysiertacyju ŭ Nacyjanalnaj akademii navuk Biełarusi, i ŭładalnikam stupieni MBA, jakuju atrymaŭ u Rasijskim ekanamičnym univiersitecie imia Plachanava.
Pavodle dadzienych Bloomberg, vjetnamski biźniesmien svaje pieršyja hrošy zarabiŭ ŭ 90-ja na łokšynie chutkaha pryhatavańnia, vytvorčaść jakoj naładziŭ u Rasii. Paśla pośpiechu na postsavieckaj prastory ŭ 2001 hodzie jon pieranios biźnies-fokus na svoj unutrany rynak.
Masan Group — heta šmatprofilnaja kampanija. Zajmajecca vytvorčaściu praduktaŭ charčavańnia, zdabyčaj karysnych vykapniaŭ i akazańniem finansavych pasłuh. Ale rybny sous i inšyja prypravy, jakija jość amal na kožnaj kuchni ŭ Vjetnamie, dapamahli zrabić Kuanha miljarderam. Hrupa Masan viadomaja svaimi sousami pad brendami Chin-Su i Nam Ngu.
Kamientary