Aktyvist Ruchu «Za svabodu» Mikita Siemianienka ŭsio ž staŭ kandydatam u deputaty Minskaha haradskoha savieta. Haradskaja vybarčaja kamisija admianiła rašeńnie Frunzienskaj rajonnaj kamisii.
Nahadajem, pieršasna Siemianienku admovili ŭ rehistracyi, bo jon nie ŭkazaŭ u dekłaracyi kvateru. Jakoj, jak vyjaviłasia, nikoli nie vałodaŭ.
Čytajcie: Apazicyjnamu kandydatu admovili ŭ rehistracyi, bo «znajšli» niedekłaravanuju kvateru. A jaje nasamreč niama
«Frunzienskija [čynoŭniki] admaŭlajuć pryznavać pamyłku, ale haradskaja kamisija admianiła ich rašeńnie na padstavie taho, što tyja niapravilna traktavali infarmacyju z kadastra», — patłumačyŭ Siemianienka.
Jon pa-raniejšamu źbirajecca sudzicca z Nacyjanalnym kadastravym ahienctvam.
«Ja płanuju damahčysia tak zvanaj «zabarony na prafiesiju» dla niekampietentnych siabraŭ kamisii i kampiensacyi vydatkaŭ na atrymańnie vypisak z rehistru, a taksama spahnać adnu bazavuju ŭ fond kandydata za maralnuju i reputacyjnuju škodu», — padsumavaŭ jon.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary