Tavarystva biełaruskaj movy zasnoŭvaje premiju za spryjańnie biełaruščynie, šukajuć miecenata
Tavarystva biełaruskaj movy imia Francyska Skaryny maje namier zasnavać premiju, jakaja budzie vydavacca za spryjańnie biełaruščynie.
«Rada TBM pryniała rašeńnie zasnavać uznaharodu ad arhanizacyi, jakaja budzie ŭručacca arhanizacyjam, ludziam, abo inicyjatyvam, jakija zrobiać značny ŭniosak u padtrymku i raźvićcio biełaruskaj movy i kultury, — raskazała «Našaj Nivie» staršynia TBM, deputatka Pałaty pradstaŭnikoŭ Alena Anisim. — Pakul my prapanavali mastakam uvasobić hetuju ŭznaharodu — mahčyma, heta budzie niejkaja statuetka ci niejki inšy znak. Taksama my vyznačym naminacyi — dla nas važna, kab atrymać uznaharodu mahli i rehijanalnyja aktyvisty abo arhanizacyi, my pilna adsočvajem tych, chto spryjaje biełaruskaj spravie».
Pavodle słovaŭ Anisim, na pačatkovym etapie hetaja ŭznaharoda budzie tolki simvaličnaj — u arhanizacyi niama hrošaj, kab vypłačvać jašče i pryzavyja. Ale Anisim kaža, što kali znojdziecca miecenat, hatovy zakłaści pryzavy fond, to Tavarystva biełaruskaj movy nie admovicca ad takoj supracy.
Ciapier čytajuć
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy6
Kamientary