Таварыства беларускай мовы засноўвае прэмію за спрыянне беларушчыне, шукаюць мецэната
Таварыства беларускай мовы імя Францыска Скарыны мае намер заснаваць прэмію, якая будзе выдавацца за спрыянне беларушчыне.
«Рада ТБМ прыняла рашэнне заснаваць узнагароду ад арганізацыі, якая будзе ўручацца арганізацыям, людзям, або ініцыятывам, якія зробяць значны ўнёсак у падтрымку і развіццё беларускай мовы і культуры, — расказала «Нашай Ніве» старшыня ТБМ, дэпутатка Палаты прадстаўнікоў Алена Анісім. — Пакуль мы прапанавалі мастакам увасобіць гэтую ўзнагароду — магчыма, гэта будзе нейкая статуэтка ці нейкі іншы знак. Таксама мы вызначым намінацыі — для нас важна, каб атрымаць узнагароду маглі і рэгіянальныя актывісты або арганізацыі, мы пільна адсочваем тых, хто спрыяе беларускай справе».
Паводле словаў Анісім, на пачатковым этапе гэтая ўзнагарода будзе толькі сімвалічнай — у арганізацыі няма грошай, каб выплачваць яшчэ і прызавыя. Але Анісім кажа, што калі знойдзецца мецэнат, гатовы закласці прызавы фонд, то Таварыства беларускай мовы не адмовіцца ад такой супрацы.
Цяпер чытаюць
«Стаўленне як да скаціны». Прарасійскі блогер расказаў пра 25 сутак ў ІЧУ5
«Стаўленне як да скаціны». Прарасійскі блогер расказаў пра 25 сутак ў ІЧУ
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1515
Каментары