Z ekspazicyi halerei prybrali pracu Uoterchaŭsa: u nimfach znajšli seksizm
Kiraŭnictva mančesterskaj mastackaj hałerei zajaviła, što jany zdymajuć z ekspazicyi pracu «Hiłas i nimfy» Džona Uoterchaŭsa, bo hetaja eratyčnaja viktaryjanskaja fantazija moža być abraźlivaj dla sučasnaha hramadstva.
Kuratar halerei patłumačyŭ, što ich žest — heta adkaz na ruch #MeToo, jaki asudžaje seksualny hvałt i damahańni. Na pohlad niekatorych mastactvaznaŭcaŭ, dadzienaja karcina, siužet jakoj ilustruje, jak aholenyja nimfy zamańvajuć mužčynu na śmierć, uvasablaje žanočaje cieła ŭ jakaści pasiŭnaj dekaratyŭnaj mastackaj formy.
Zdymajučy karcinu, kuratary nie pakidajuć za saboj apošniaje słova cenzury, a prosiać hramadstva vykazacca i pačać dyskusiju: ci varta pakidać u publičnaj prastory mastactva, jakoje nie adpaviadaje sučasnaj fiłasofii hramadstva, dzie asudžajecca seksizm?
Takija dziejańni ŭžo paciahnuli za saboj šmat mierkavańniaŭ. Niekatoryja ludzi ličać takoje rašeńnie palityčna pravilnym, «palitkarektnym», ale inšyja asudžajuć: jany ŭpeŭnienyja, što heta — niebiaśpiečny precedent. Tak, niezaležny mastak Majkł Braŭn skazaŭ, što jon zaniepakojeny tym, što minułaje i historyja ścirajucca. «Mnie nie padabajecca, kali mastakam kažuć: «Heta niapravilna, a heta pravilna». Jany vykarystoŭvajuć svaju ŭładu dla vieta na mastactva ŭ publičnaj kalekcyi», — zajaviŭ mastak.
A što z hetaj nahody dumajecie vy?
Daviedka: Džon Uoterchaŭs — anhlijski mastak XIX stahodździa, viadomy žanočymi vobrazami, jakija jon lubiŭ zapazyčvać ź mifałohii i litaratury. U sučasnaści niekatoryja ludzi asudžajuć mastaka za toje, što jaho pracy znachodziacca za adzin krok ad parnahrafii. Voś niekatoryja ź ich:
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»23
Kamientary