Sprava Alaksandra Koržyča: Na dopytach abvinavačanyja płačuć i škadujuć siabie
Pra heta kiraŭnik śledčaj hrupy pa hučnaj spravie ab trahiedyi ŭ Piečach raspavioŭ u intervju TUT.BY
— [Jany] płačuć i škadujuć siabie, bo razumiejuć, jakoje pakarańnie im pahražaje.
— Za čatyry miesiacy vy vyjavili dziasiatki faktaŭ dziedaŭščyny ŭ vojsku. Mnie raspaviadali: kali siaržant nočču padniaŭ sałdata i prymusiŭ adciskacca, heta ŭžo ličycca niestatutnymi adnosinami i raspačynajecca kryminalnaja sprava. Jakija vypadki čaściej za ŭsio raspaŭsiudžany?
— Ja bolš za 14 hadoŭ adsłužyŭ u vajennaj prakuratury, pracavaŭ śledčym pa najvažniejšych spravach i mahu skazać: niestatutnyja adnosiny ciapier transfarmavalisia ŭ tavarna-hrašovyja adnosiny.
Naprykład, kab sałdat zmoh vypić kavy, kupić bułačku, pavinien zapłacić siaržantu 2 rubli. Niby nievialikaja suma, ale z ulikam taho, što sałdat atrymlivaje ŭ miesiac 10 rubloŭ, heta istotnaja suma.
— Za što jašče prychodziłasia płacić?
- Chočaš pamyć vopratku? Zapłaci dva rubli siaržantu. Za karystańnie mabilnym telefonam, jakija zabaronienyja zahadam ministra abarony, taksa ŭ 20-40 rubloŭ.
— Jak vam zdajecca, kali sprava dojdzie da suda i praces budzie adkrytym, ci zrobiać vajskoŭcy dla siabie niejkija vysnovy?
— Miarkuju tak. Pa tych artykułach, jakija raspačatyja, pahražaje realnaje pazbaŭleńnie voli. I kali sałdaty ŭbačać siaržanta, jaki jašče ŭčora ich pryhniataŭ, a siońnia siadzić za kratami, płača i atrymlivaje realny termin, viadoma, heta prymusić zadumacca.
— Ci byli tyja sałdaty, jakija paśla hibieli Koržyča sami z vami źviazalisia i raspaviali pra dziaduchu?
— Nie, nie było nivodnaha. Z sałdatami davodzicca znachodzić psichałahičny kantakt, tłumačyć, jak heta važna nie maŭčać, u siarednim na kožnaha sychodzić ad 2 da 4 hadzin. Na siońniašni dzień my dapytali nie mienš za 400 čałaviek.
— Dyk kolki abvinavačanych zaraz prachodzić pa spravie Koržyča?
— Pa hetaj spravie raspačata 13 kryminalnych spraŭ. Ciapier pa spravie prachodzić 9 abvinavačanych (aficer, praparščyk i małodšyja kamandziry) i 3 padazravanych. My miarkujem, rasśledavańnie pa fakcie śmierci Koržyča budzie zavieršana ŭ kancy sakavika.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary