Pastar amierykanskaj baptysckaj carkvy, adzin z samych upłyvovych prapaviednikaŭ 20-ha stahodździa Bili Hrem pamior va ŭzroście 99 hadoŭ. Jon pamior u svaim domie ŭ Manreacie ŭ Paŭnočnaj Karalinie, paviedamiŭ śpikier jevanhielisckaj asacyjacyi Bili Hrema.
Hrem staŭ adnym z samych viadomych apałahietaŭ chryścijanstva, pačaŭšy svaju hłabalnuju misiju na stadyjonach i arenach Łondana ŭ 1954 hodzie.
Pa niekatorych acenkach, za čas 60-hadovaj misijanierskaj dziejnaści Hrema, jaho propaviedzi prasłuchali sotni miljonaŭ ludziej.
Da miljonam ź ich Hrem źviartaŭsia z teleekrana — jon byŭ pieršym, chto vykarystaŭ heta srodak kamunikacyi ŭ takich maštabach, kab nieści propaviedź pra vyratavańnie.
Hrem byŭ asabistym siabram niekalkich amierykanskich prezidentaŭ, u tym liku Trumana, Niksana i Abamy.
Barak Abama staŭ 12-m prezidentam, jaki sustrakaŭsia z Hremam, naviedaŭšy prapaviednika ŭ jaho domie ŭ Paŭnočnaj Karalinie ŭ 2010 hodzie.
Paźniej Hrem pryznaŭ, što blizkaść da ŭłady mahła skampramietavać jaho misijanierskuju dziejnaść.
«Kali b u mianie była mahčymaść pačać usio znoŭ — ja pastaraŭsia b paźbiehnuć udziełu ŭ lubych palityčnych kampanijach. Adzinaja hodnaja sprava dla prapaviednika — nieści słova Božaje».
Kamientary