«Litaralna vycisnuli z pradpryjemstvaŭ hetuju siaredniuju tysiaču ŭ kancy hoda. Ale 80% rabotnikaŭ jaje i ŭ vočy nie bačyli», — zajaviŭ Alaksandr Łukašenka pra siaredni zarobak 1000 rubloŭ, zasłuchoŭvajučy spravazdaču ŭrada, Nacbanka, abłvykankamaŭ i Minharvykankama ab vynikach raboty ekanomiki krainy za 2017 hod i zadačach pa zabieśpiačeńni ŭstojlivaha ekanamičnaha rostu.
Havoračy ab cenach i zarobkach, jon zajaviŭ:
— Ja viedaju, što staić za histaryčna nizkim uzroŭniem inflacyi i amal tysiačaj rubloŭ u śniežni. Vy ž litaralna vycisnuli z pradpryjemstvaŭ hetuju siaredniuju tysiaču ŭ kancy hoda. Ale 80% rabotnikaŭ jaje i ŭ vočy nie bačyli.
U pałovy — heta nižej 640 rubloŭ. A 10% nasielnictva krainy zmahli zarabić nie bolš za 300 rubloŭ.
Heta žychary ŭ rajonach, dzie alternatyvy ŭ płanie pracaŭładkavańnia niama, — skazaŭ kiraŭnik krainy, pieradaje «SB».
Alaksandr Łukašenka paviedamiŭ, što da hetaha času nie bačyŭ hrafika rostu zarpłaty na 2018 hod. Bolš za toje:
— Pavodle majoj infarmacyi, dasiahnieńnie i ŭtrymańnie u 2018 hodzie zarabotnaj płaty na ŭzroŭni tysiačy rubloŭ nie paćviardžaje nivodnaja z abłaściej. Heta taksama kaža pra toje, što vy pakul nie zdolnyja jaje zabiaśpiečyć.
Ale chaču papiaredzić hubiernataraŭ: hladzicie, narvieciesia! Napeŭna, zanadta dobra vy žyviacie - i zanadta adarvalisia ad ludziej. Vy što, nie viedajecie, što na 300 rubloŭ u miesiac pražyć siońnia praktyčna nielha?!
Ekanomcie na čym chočacie — ale tysiaču rubloŭ siaredniaj zarpłaty zabiaśpiečcie! I pierš za ŭsio — za košt pavyšeńnia zarobku tym, kaho možna nazvać asnovaj našaj dziaržavy — nastaŭnikaŭ, daktaroŭ, tych, chto vychoŭvaje našych dziaciej. Trymać ich na hałodnym pajku — varjactva.
Nahadajem, što siaredni zarobak biełarusaŭ paśla imklivaha śniežańskaha rostu zvaliŭsia ŭ studzieni na 136 rubloŭ — da 859 rubloŭ. Heta na 136,3 rubla mienš, čym u śniežni (995 rubloŭ).
Kamientary