U Biełarusi ŭvodzicca novy sposab padpisańnia (paćvierdžańnia) dakumienta ŭ elektronnym vyhladzie — ličbavy rukapisny podpis, a taksama pašyrajecca pieralik bankaŭskich apieracyj, pasłuh i pahadnieńniaŭ, jakija ździajśniajucca z vykarystańniem prahramna-aparatnych srodkaŭ i technałohij, paviedamlaje Nacyjanalny bank.
U adpaviednaści z pastanovaj №65 ličbavy rukapisny podpis moža prastaŭlacca jak dystancyjna z vykarystańniem śpiecyjalnych prahramna-aparatnych srodkaŭ (u tym liku płanšetaŭ i dysplejaŭ), tak i pry asabistaj prysutnaści klijenta ŭ adździaleńni banka.
Pastanovaj №65 dla fizičnych asob praduhledžvajecca mahčymaść nabyćcia kaštoŭnych papier z vykarystańniem prahramnych srodkaŭ, a taksama zaklučeńnia ź ich dapamohaj dahavora załohu kaštoŭnych papier pry zabieśpiačeńni vykanańnia abaviazacielstvaŭ pa dahavorach, što zaklučajucca bankami. Dadzienyja normy dazvolać zakłaści asnovu i aktyvizavać dystancyjnuju pracu ŭ halinie vykarystańnia kaštoŭnych papier.
Akramia taho, u ramkach vykanańnia dekreta №7 ad 23 listapada 2017 hoda skasoŭvajecca norma, jakaja abaviazvaje banki zmacoŭvać piačatkaj kopiju dakumienta ŭ elektronnym vyhladzie na papiarovym nośbicie. Pry hetym pastanovaj №65 banku pradastaŭlajecca prava prastaŭlać piačatku na kopii dakumienta ŭ elektronnym vyhladzie.
Kamientary