Alaksandr Łukašenka paŭdzielničaŭ u bijatłonnym zabiehu razam ź viadomymi alimpijcami krainy. Mierapryjemstva adbyłosia ŭ Respublikanskim centry alimpijskaj padrychtoŭki pa zimovych vidach sportu «Raŭbičy», pieradaje president.gov.by.
Razam ź im na łyžnuju trasu vyjšli jaho małodšy syn Mikałaj, pres-sakratar prezidenta Natalla Ejsmant, pieramožcy i pryziory Alimpijskich hulniaŭ Darja Domračava, Iryna Kryŭko, Dynara Alimbiekava, Alaksiej Ajdaraŭ i Ksienija Sankovič.
4 sakavika ŭ Raŭbičach taksama zaviaršyŭsia finalny etap spabornictvaŭ «Śniežny snajpier». Pieramožcy byli vyznačanyja ŭ troch uzrostavych katehoryjach. U turniry pryniali ŭdzieł junyja bijatłanisty z usich rehijonaŭ Biełarusi.
Uznaharody ŭručali Alaksandr Łukašenka i alimpijskija čempijony, členy nacyjanalnaj kamandy Biełarusi pa bijatłonie Darja Domračava, Iryna Kryŭko i Dynara Alimbiekava.
Nahadajem, va ŭzrostavaj hrupie siaredniaha ŭzrostu bronzavuju ŭznaharodu zavajavaŭ Mikałaj Łukašenka, jaki pradstaŭlaŭ na «Śniežnym snajpiery» Minskuju vobłaść.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary