Skandał na knižnym kirmašy: nieviadomy abliŭ Chadanoviča kavaj i ŭciok
3 sakavika na knižnym kirmašy ŭ Minsku adbyŭsia skandał. Padčas prezientacyi biełaruskaha pierakładu «Lalki» Balasłava Prusa, što adbyvałasia na polskim stendzie, nieviadomy chłopiec abliŭ paeta Andreja Chadanoviča kavaj i ŭciok.
Jak śviedčać vidavočcy, chłopiec uźniaŭsia ź miesca i zakryčaŭ: «Čamu «Polski instytut» nie apłaciŭ druk ramana? Čamu pierakładčykaŭ nie zaprasili ŭ Minsk?» Paśla hetaha jon plosnuŭ kavaj na ŭdzielnikaŭ prezientacyi, skazaŭšy, što ich «zamovili», pieradaŭ vitańnie ad Haliny Žarko i ŭciok.
Halina Žarko — pierakładčyca «Lalki» — žyvie ŭ Polščy. U lutym jana raspaviała, što «Polski instytut» vyrašyŭ nie fundavać vydańnie ramana. Žarko znajšła hrošy ŭ inšaj kulturnickaj ustanovie — «Instytucie knihi», što pracuje ŭ Krakavie. A paśla sa ździŭleńniem daviedałasia, što padčas knižnaha kirmaša ŭ Minsku «Polski instytut» źbirajecca prezientavać «Lalku» na svaim stendzie.
«O, Polski instytut da majoj «Lalki» prymazvajecca. Hrošaj na vydańnie nie dali… Jašče horš! Spačatku dali, a potym pieradumali. Tak i skazali: aj, my pieradumali. A zaraz vo — prezientujuć. I Chadanovič tut jak tut! Ci nie jon padhavaryŭ IP [»Instytut polski»], kab na «Lalku» nie davali, bo na jaho prajekty nie chopić? Usiakaje dumajecca. Mnie vydaviec skazaŭ, što budzie prezientacyja i navat spytaŭsia ci chaču ja ŭdzielničać. U sensie, što i bieź mianie taja prezientacyja adbudziecca. Nu to schadziecie, spadarstva», — napisała Halina Žarko.
«Lalku» Balasłava Prusa na polskim stendzie ŭ šerahu inšych tvoraŭ, apošnim časam pierakładzienych z polskaj movy na biełaruskuju. Akramia jaje, 3 sakavika adbyvałasia prezientacyja «Jabłyčka» Siarhieja Piasieckaha, «Upłyvovych žančyn II Rečy Paspalitaj» Słavamira Kopiera, a taksama kulinarnaj knihi z receptami polskich stravaŭ.
Andrej Chadanovič byŭ viadoŭcam imprezy. Jon raspaviadaje, što ad chulihanskaha ŭčynku amal nie paciarpieŭ — i davioŭ prezientacyju da kanca.
Što da abvinavačańniaŭ z boku spadaryni Žarko, dyk Chadanovič aburajecca, što jamu staviać u vinu nieabhruntavanyja, biazdokaznyja domysły. «Ciažka palemizavać z fantazijaj i ŭmoŭnymi kanstrukcyjami», — dadaje paet.
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary