Ranicaj 14 sakavika ŭ svaim domie ŭ Kiembrydžy na 77 hodzie žyćcia pamior anhlijski fizik-tearetyk i papularyzatar navuki Styvien Uiljam Chokinh, paviedamlaje «Bi-bi-si» sa spasyłkaj na zajavu jaho siamji.
Jon vyvučaŭ teoryju ŭźniknieńnia śvietu ŭ vyniku Vialikaha vybuchu, teoryju čornych dzir. Vučony źjaŭlajecca aŭtaram viadomych knih «Karotkaja historyja času», «Čornyja dziry i maładyja suśviety», «Śviet u arechavaj škarłupinie».
Styvien Chokinh naradziŭsia 8 studzienia 1942 hoda ŭ Oksfardzie. U 1962 hodzie jon skončyŭ Oksfardski ŭniviersitet, a zatym atrymaŭ doktarskuju stupień Kiembrydžskaha ŭniviersiteta.
U 1963 hodzie 22-hadovamu Chokinhu byŭ pastaŭleny dyjahnaz bakavy amijatrafičny skleroz (BAS). Daktary advodzili jamu nie bolš čym dva-try hady žyćcia. Adnak jon praciahnuŭ zajmacca aktyŭnaj navukovaj dziejnaściu, navat byŭšy paralizavanym, prykavanym da invalidnaha vazka i kantaktujučy ź ludźmi praz kampjutarny sintezatar maŭleńnia.
Ciapier čytajuć
Jak žyvie prosty minski zvarščyk, jaki vyjhraŭ try miljony rubloŭ1
Kamientary