Žurnalisty znajšli čałavieka, jaki pradstaŭlaŭsia «ispanskim dyśpietčaram» i raspaviadaŭ u efiry rasijskich telekanałaŭ ab ukrainskim śledzie ŭ hibieli rejsa MH17 na Danbasie, paviedamlaje Radyjo Svaboda.
«Dyśpietčar Karłas, nibyta pracavaŭ u kijeŭskim aeraporcie Baryspal i pisaŭ u tvitary pad psieŭdanimam spainbuca ab tym, što ŭkrainskija samaloty pieraśledavali małazijski Boeing, vyjaviŭsia čałaviekam na imia Chase Karosa Baryjos Sančes. Jon byŭ sudzimy ŭ Ispanii i byŭ aryštavany ŭ Rumynii za machlarstva», — - piša vydańnie.
Pakazvajecca, što rasijskaja prapahanda aktyŭna pamnožyła roznyja viersii katastrofy.
«Adna ź ich zasnavana na paviedamleńniach «ispanskaha dyśpietčara», jaki nie tolki pisaŭ u tvitary, ale i byŭ pakazany ŭ efiry ispanskaha padraździaleńnia kanała Russia Today. Aŭtary rasśledavańnia znajšli Sančesa i pahutaryli ź im u WhatsApp. Jon śćviardžaje, što atrymaŭ ahułam 48 tysiač dalaraŭ z rasijskich krynic, u jakaści płaty za svaju rolu «ispanskaha dyśpietčara Karłasa», — piša Radyjo Svaboda.
Taksama Sančes zapeŭnivaje, što moža dać dokazy, jakija paćviardžajuć suviaź rasijan z ulikovym zapisam @spainbuca ŭ tvitary, a taksama bankaŭskija dadzienyja i zapisy razmoŭ z rabotnikami Russia Today.
Choć jon tak i nie pradastaviŭ ich pa prośbie aŭtaraŭ rasśledavańnia. RT skazała, što nikoli nie ažyćciaŭlała takija płaciažy.
Adznačajecca, što historyju pra «ispanskaha dyśpietčara» vykarystaŭ taksama i prezident Rasii Uładzimir Pucin u razmovie z režysioram Olivieram Stoŭnam.
Kiraŭnik Kramla skazaŭ, što za katastrofaj małajzijskaha «Boinha» nad Danbasam moh nazirać dyśpietčar «ispanskaha pachodžańnia» z aeraporta Kijeva, jaki nibyta bačyŭ bajavy samalot pobač z rejsam MH17.
«Boinh-777» avijakampanii Malaysia Airlines, jaki vykonvaŭ rejs MN17 Amsterdam (Niderłandy) — Kuała-Łumpur (Małajzija), byŭ źbity ŭ niebie nad Danieckaj vobłaściu 17 lipienia 2014. Na jaho borcie znachodzilisia 298 čałaviek, ź ich 80 dziaciej, usie jany zahinuli.
Mižnarodnaja kamanda pa rasśledavańni hetaj katastrofy pryjšła da vysnovy, što łajnier byŭ źbity rakietaj, vypuščanaj z ZRK «Buk», dastaŭlenaha z terytoryi Rasii.
-
U Francyi dvuch bliźniat abvinavačvajuć u zabojstvach. Chto mienavita nacisnuŭ na kurok, nieviadoma — u ich adnolkavaja DNK
-
Piaskoŭ i Łaŭroŭ zajavili pra nieabchodnaść «pa-mužčynsku» trymacca «damoŭlenaściaŭ», dasiahnutych u Ankorydžy
-
U Vieniesuele vykrali palitviaźnia. Za niekalki hadzin da hetaha jaho vyzvalili z turmy
Ciapier čytajuć
U Mahilovie adbyłosia šeście da miesca masavych represij 1930‑ch — ź ikonaj rasijskaha cara i impierskim trykałoram9
U Mahilovie adbyłosia šeście da miesca masavych represij 1930‑ch — ź ikonaj rasijskaha cara i impierskim trykałoram
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary