Padazravanaj u padrychtoŭcy dziaržaŭnaha pieravarotu i teraktaŭ va Ukrainie Nadziei Saŭčanka pahražaje da 15 hadoŭ źniavoleńnia abo pažyćciovaje źniavoleńnie z kanfiskacyjaj majomaści.
Pra heta ŭ Šaŭčenkaŭskim sudzie zajaviŭ prakuror Hałoŭnaj vajskovaj prakuratury Alaksandr Bańnik, paviedamlaje «Ukrainskaja praŭda».
Chadajničajučy ab abrańni miery strymańnia ŭ vyhladzie aryštu dla Saŭčanka, jon pieraličyŭ artykuły, ździajśnieńnie złačynstvaŭ pa jakich joj inkryminujuć, i adznačyŭ, što ŭ vypadku dokazu viny Saŭčanka pahražaje pakarańnie až da pažyćciovaha źniavoleńnia.
«Abstaviny, jakija dajuć prava abhruntavana padazravać Saŭčanka ŭ ździajśnieńni pravaparušeńniaŭ … paćviardžajucca prykładzienymi materyjałami. Heta daje dastatkova padstaŭ padazravać Saŭčanka ŭ ździajśnieńni złačynstvaŭ, za jakija praduhledžana pakarańnie ŭ vyhladzie pazbaŭleńnia voli da 15 hadoŭ abo pažyćciovaha pazbaŭleńnia voli z kanfiskacyjaj majomaści abo biez takoj» - skazaŭ Bańnik.
U svaju čarhu Saŭčanka zajaviła, što pačynaje haładoŭku.
«Ja ź siońniašniaha dnia znoŭ pačynaju haładoŭku. Ja hatovaja znoŭ prajści hety šlach», - skazała jana. Deputat nahadała, što haładała i ŭ rasijskaj turmie, u jakoj znachodziłasia z 2014 pa 2016 hod.
Taksama Saŭčanka padkreśliła, što nie źbirajecca pakidać terytoryju krainy. «Bo ja — hieroj Ukrainy», — skazała jana.
VIDEAzapis taho, jak Nadzieja Saŭčanka płanuje miehaterakt — uzarvać Radu i zabić Parašenku. Jana pryznała, što heta praŭda
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j8
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary