U Ždanovičach zatrymali biaspraŭnika, jaki siem razoŭ pryciahvaŭsia da adkaznaści za pjanuju jazdu, paviedamiła BiełTA staršy inśpiektar pa ahitacyi i prapahandzie adździeła DAI Minskaha rajona Kaciaryna Silčanka.
Supracoŭniki DAI 27 sakavika spynili Honda Civic. Za rulom znachodziŭsia kiroŭca ź vidavočnymi prykmietami ałkaholnaha apjanieńnia. U razmovie ź inśpiektarami mužčyna 1982 hoda naradžeńnia pavodziŭ siabie aburalna, admoviŭsia pa patrabavańni supracoŭnika DAI prajści ahlad na pradmiet ałkaholnaha apjanieńnia.
Akazałasia, što parušeńnie ździejśniena paŭtorna na praciahu hoda i kiroŭca pazbaŭleny prava kiravańnia transpartnymi srodkami za anałahičnaje parušeńnie. Z 2008 hoda mužčyna ŭžo 7 razoŭ pryciahvaŭsia da adkaznaści za jazdu ŭ niećviarozym stanie.
Kiroŭca adchileny ad kiravańnia transpartnym srodkam, aŭtamabil dastaŭleny na štrafstajanku.
Kamientary