Adno z najbujniejšych internet-vydańniaŭ Rasii lenta.ru apublikavała materyjał Uładzimir Zotava «Baćkavy nacysty» pad padzahałoŭkam «Biełaruskija pravyja začyščajuć krainu ad Rasii. Łukašenka nie suprać».
Kaniečnie, najpierš havorka zajšła pra niadaŭniaje śviatkavańnie Dnia Voli, jakoje, pa mierkavańni vydańnia, adznačali «z pompaj». Lenta.ru daje kolkaść udzielnikaŭ u 50 tysiač. Darečy, usie rasijskija ŚMI nazyvajuć ličbu bolšaj, čym značnaja častka biełaruskich.
«Abviaščeńnie BNR stała pieršaj u historyi sprobaj stvaryć biełaruskuju nacyjanalnuju dziaržavu, bo až da razvału Rasijskaj impieryi prynaležnaść biełarusaŭ da ruskaha naroda aficyjna pad sumnieŭ nie staviłasia», — adznačaje Zotaŭ. Jon kaža, što dla biełarusaŭ ideja nacyjanalnaj dziaržavy była čužoj.
Zotaŭ miarkuje, što paśla razvału SSSR biełaruskija nacyjanalisty sutyknulisia z nastupnymi prablemami: «Biełarusy nie chacieli pierachodzić na «biełarusku movu» ŭ jakaści adzinaj dziaržaŭnaj movy; prymać novuju viersiju ŭłasnaj historyi, zhodna ź jakoj jana pačynajecca nie z Staražytnaj Rusi, a ź Vialikaha Kniastva Litoŭskaha; jany nie ličyli Rasieju i ruskich svaimi histaryčnymi vorahami».
Aŭtar raschvalvaje pieršyja hady kiravańnia Łukašenki, maŭlaŭ, usio tady było pravilna. «U Biełarusi vybudoŭvałasia sacyjalnaja dziaržava, libieralnaja apazicyja i rusafoby-nacyjanalisty marhinalizavalisia, a sutnaść svajho naroda Łukašenka vyznačaŭ formułaj «biełarusy — heta ruskija sa znakam jakaści».
Tolki paśla taho, jak Łukašenka ŭbačyŭ, što nie zmoža stać prezidentam Rasii, jon pačaŭ mianiać svaju palityku, ličyć Lenta.ru. «Faktyčna, Łukašenka pajšoŭ pa šlachu stvareńnia całkam niezaležnaj dziaržavy», — vo taki hrech staviać va ŭkor biełaruskim uładam.
«Pazicyi nacyjanalistaŭ u śfiery kultury i adukacyi pastajanna ŭzmacnialisia. Pačałasia kampanija za pašyreńnie śfiery vykarystańnia biełaruskaj movy, jakaja skončyłasia poŭnym źniščeńniem ruskamoŭnaj tapanimiki: zaraz usie pakazalniki na biełaruskich vulicach i trasach ŭtrymlivajuć nadpisy na «movie», dublavanyja na łacincy (a ŭ niekatorych miescach i pa-kitajsku)», — darečy, pra toje samaje šmat pisaŭ rusafił Siarhiej Šyptenka, jakoha aryštoŭvali pa «spravie Rehnuma».
«Na palicach biełaruskich kramaŭ źjaŭlałasia ŭsio bolš tavaraŭ z nacyjanalnaj simvolikaj — u asnoŭnym litoŭskaj i kałabaracyjanisckaj», — tak rasijskaje ŚMI nazyvaje Pahoniu i bčb.
Ale, maŭlaŭ, sapraŭdny vybuch nacyjanalizmu adbyŭsia paśla akupacyi Rasijaj Kryma. Dalej pierakazvajecca historyja Siarhieja Šyptenki, Dźmitryja Alimkina i Juryja Paŭłaŭca. Zakradvajeca pytańnie: ci nie niechta z hetaj trojcy pisaŭ artykuł?
Adznačajecca, što pieramovy z uładami pa Dni Voli vioŭ «ščyry rusafob» Eduard Palčys.
«Toje, što adbyłosia 25 sakavika ŭ Minsku pa sutnaści paznačyła kardynalnaje źmianieńnie adnosin kirujučaha režymu i prychilnikaŭ nacyjanalistyčnych ruchaŭ. Ułada prapanavała radykałam, i ŭ pieršuju čarhu nacyjanalistam, novy pakt: my całkam lehalizujem vašu aktyŭnaść, a vy pierachodzicie ad supraćstajańnia ź dziaržavaj da supracoŭnictva ź joj», — adznačaje vydańnie.
Kamientary